Tulasīdāsa: Kavitāvalī

.1.

Oṃ

śrīsītārāmabhyāṃ namaḥ

kavitāvalī

bālakāṇḍa

repha ātmacinmaya akala, parabrahma pararūpa /

hari-hara-aja-vandita-carana,aguṇa anīha anūpa // 1 //

bālakeli daśaratha-ajira,karata so phirata sabhāya /

padanakhendu tehi dhyāna dhari vicarata tilaka banāya // 2 //

anilasuvana padapadmaraja,prema sahita śira dhāra /

indradeva ṭīkā racata, kavitāvalī udāra // 3 //

bandauṃ śrītulasīcarana nakha, anūpa dutimāla /

kavitāvali-ṭīkā lasai kavitāvali-varabhāla // 4 //

bālarūpakī jhā̃kī

avadhesake dvāreṃ sakāreṃ gaī suta goda kai bhūpati lai nikase /

avaloki hauṃ soca bimocanako ṭhagi-sī rahī,je na ṭhage dhika-se //

tulasī mana-raṃjana raṃjita-aṃjana naina sukhaṃjana-jātaka-se /

sajanī sasimeṃ samasīla ubhai navanīla saroruha-se bikase //

paga nūpura au pahũcī karakaṃjani maṃju banī manimāla hiẽ /

navanīla kalevara pīta jhãgā jhalakai pulakaiṃ nr̥pu goda liẽ //

arabiṃdu so ānanu rūpa maraṃdu anaṃdita locana-br̥ṃga piẽ /

manamo na basyo asa bālaku jauṃ tulasī jagameṃ phalu kauna jiẽ //

2

tanakī duti syāma saroruha locana kaṃcakī maṃjulatāī haraiṃ /

ati suṃdara sohata dhūri bhare chabi bhūri anaṃgakī dūri dharaiṃ //

damakaiṃ dãtiyā̃ duti dāmini-jyauṃ kilakaiṃ kala bāla-binoda karaiṃ /

avadhesake bālaka cāri sadā tulasī-mana-maṃdirameṃ biharaiṃ //

bālalīlā

kabahū̃ sasi māgata āri karaiṃ kabahū̃ pratibiṃba nihāri ḍaraiṃ /

kabahū̃ karatāla bajāikai nācata mātu sabai mana moda bharaiṃ //

kabahū̃ risiāi kahaiṃ haṭhikai puni leta soī jehi lāgi araiṃ /

avadhesake bālaka cāri sadā tulasī-mana-maṃdirameṃ biharaiṃ //

bara daṃtakī paṃgati kaṃdakalī adharādhara-pallava kholanakī /

capalā camakaiṃ ghana bīca jagaiṃ chabi motina māla amolanakī //

3

ghũghurāri laṭaiṃ laṭakaiṃ mukha ūpara kuṃḍala lola kapolanakī /

nevachāvari prāna karai tulasī bali jāũ lalā ina bolanakī //

padakaṃjani maṃju banīṃ panahīṃ dhanuhīṃ sara paṃkaja-pāni liẽ /

larikā sãga khelata ḍolata haiṃ sarajū-taṭa cauhaṭa hāṭa hiẽ //

tulasī asa bālaka-soṃ nahi nehu kahā japa joga samādhi kiẽ /

nara ve khara sūkara svāna samāna kahau jagameṃ phalu kauna jiẽ //

sarajū bara tīrahiṃ tīra phiraiṃ raghubīra sakhā aru bīra sabai /

dhanuhīṃ kara tīra, niṣaṃga kaseṃ kaṭi pīta dukūla navīna phabai //

tulasī tehi ausara lāvanitā dasa cāri nau tīna ikīsa sabai /

mati bhārati paṃgu bhaī jo nihāri bicāri phirī upamā na pabai //

4

dhanuryajña

chonīmeṃke chonīpati chājai jinhai chatrachāyā

chonī-chonī chāe chiti āe nimirājake /

prabala pracaṃḍa baribaṃḍa bara beṣa bapu

baribekoṃ bole baidehī bara kājake //

bole baṃdī biruda bajāi bara bājaneū

bāje-bāje bīra bāhu dhunata samājake /

tulasī mudita mana pura nara-nāri jete

bāra-bāra heraiṃ mukha audha-mr̥garājake //

5

siyakeṃ svayaṃbara samāju jahā̃ rājaniko

rājanake rājā mahārājā jānai nāma ko /

pavanu, puraṃdaru, kr̥sānu, bhānu, dhanadu-se,

gunake nidhāna rūpadhāma somu kāmu ko //

bāna balavāna jātudhānapa sarīkhe sūra

jinhakeṃ gumāna sadā sālima saṃgrāmako /

tahā̃ dasaratthakeṃ samattha nātha tulasīke

capari caḷhāyau cāpu caṃdramālalāmako //

mayanamahanu puradahanu gahana jāni

ānikai sabaiko sāru dhanuṣa gaḷhāyo hai /

janakasadasi jete bhale-bhale bhūmipāla

kiye balahīna, bala āpano baḷhāyo hai //

kulisa-kaṭhora kūrmapīṭhateṃ kaṭhina ati

haṭhi na pināku kāhū̃ capari caḷhāyo hai /

tulasī so rāmake saroja-pāni parasata hī

ṭūṭyau māno bāre te purāri hī paḷhāyo hai //

6

ḍigati urvi ati gurvi sarba pabbai samudra-sara /

byāla badhira tehi kāla, bikala digapāla carācara //

diggayaṃda larakharata parata dasakaṃdhu mukkha bhara /

sura-bimāna himabhānu bhānu saṃghaṭata parasapara //

cauṃke biraṃci saṃkara sahita, kolu kamaṭhu ahi kalamalyau /

brahmaṃḍa khaṃḍa kiyo caṃḍa dhuni jabahiṃ rāma sivadhanu dalyau //

locanābhirāma ghanasyāma rāmarūpa sisu,

sakhī kahai sakhīsoṃ tū̃ premapaya pāli, rī /

bālaka nr̥pālajūkeṃ khyāla hī pināku tor yo,

maṃḍalīka-maṃḍalī-pratāpa-dāpu dāli rī //

janakako,siyāko,hamāro,tero,tulasīko,

sabako bhāvatī hvaihai, maiṃ jo kahyo kāli ,rī /

kausilākī kokhipara toṣi tana vāriye,rī

rāya daśaratthakī balaiyā lijai āli rī //

7

dūba dadhi rocanu kanaka thāra bhari bhari

ārati sãvāri bara nāri calīṃ gāvatī /

līnheṃ jayamāla karakaṃja sohaiṃ jānakīke

pahirāvo rāghojūko sakhiyā̃ sikhāvatīṃ //

tulasī mudita mana janakanagara-jana

jhā̃katīṃ jharokheṃ lāgīṃ sobhā rānīṃ pāvatīṃ /

manahũ cakorīṃ cāru baiṭhīṃ nija nija nīḍa

caṃdakī kirani pīvaiṃ palakau na lāvatīṃ

nagara nisāna bara bājaiṃ byoma duṃdubhīṃ

bimāna caḷhi gāna kaike suranāri nācahīṃ /

jayati jaya tihũ pura jayamāla rāma ura

baraṣaiṃ sumana sura rūre rūpa rācahīṃ //

janakako panu jayo, sabako bhāvato bhayo

tulasī mudita roma-roma moda mācahīṃ /

sāvãro kisora gorī saubhāpara tr̥na torī

jorī jiyo juga-juga juvatī-jana jācahīṃ //

8

bhale bhūpa kahata bhaleṃ bhadesa bhūpani soṃ

loka lakhi boliye punīta rīti māriṣī /

jagadaṃbā jānakī jagatapitu rāmacaṃdra,

jāni jiyã johau jo na lāgai mũha kārakhī //

dekhe haiṃ aneka byāha, sune haiṃ purāna beda

būjhe haiṃ sujāna sādhu nara-nāri pārikhī /

aise sama samadhī samāja na birājamāna,

rāmu-se na bara dulahī na siya-sārikhī //

bānī bidhi gaurī hara sesahū̃ ganesa kahī,

sahī bharī lomasa bhusuṃḍi bahubāriṣo /

cāridasa bhuvana nihāri nara-nāri saba

nāradasoṃ paradā na nāradu so pārikho /

tinha kahī jagameṃ jagamagati jorī eka

dūjo ko kahaiyā au sunaiyā caṣa cārakho /

ramā ramāramana sujāna hanumāna kahī

sīya-sī na tīya na puruṣa rāma-sārikho //

9

dūlaha śrīraghunāthu bane dulahī siya suṃdara maṃdira māhīṃ /

gāvati gīta sabai mili suṃdari beda juvā juri bipra paḷhāhīṃ //

rāmako rūpa nihārati jānakī kaṃkanake nagakī parachāhīṃ /

yāteṃ sabai sudhi bhūli gaī kara ṭeki rahī pala ṭārata nāhīṃ //

paraśurāma-lakṣmaṇa-saṃvāda

bhūpamaṃḍalī pracaṃḍa caṃḍīsa-kodaṃḍu khaṃḍyo,

caṃḍa bāhudaṃḍu jāko tāhīsoṃ kahatu hauṃ /

kaṭhina kuṭhāra-dhāra dharibeko dhīra tāhi,

bīratā bidita tāko dekhiye cahatu hauṃ //

tulasī samāju rāja taji so birājai āju,

gājyau mr̥garāju gajarāju jyoṃ gahatu hauṃ /

chonīmeṃ na chāḍyau chapyo chonipako chonā choṭo,

chonipa chapana bā̃ko buruda bahatu hauṃ //

10

nipaṭa nidari bole bacana kuṭhārapāni,

mānī trāsa aunipani māno maunatā gahī /

roṣa mākhe lakhanu akani anakhohī bātaiṃ,

tulasī binīta bānī bihasi aisī kahī //

sujasa tihāreṃ bhare bhuana bhr̥gutilaka,

pragaṭa pratāpu āpu kahyo so sabai sahī /

ṭūṭyau so na juraigo sarāsanu mahesajūko,

rāvarī pinākameṃ sarīkatā kahā̃ rahī //

garbhake arbhaka kāṭanakoṃ paṭu dhāra kuṭhāru karāla hai jāko /

soī hauṃ būjhata rājasabhā 'dhanu ko dalyau' hauṃ dalihau balu tāko //

laghu ānana uttara deta baḷe larihai marihai karihai kachu sāko /

goro garūra gumāna bhar yo kahau kausika choṭo-so ḍhoṭo hai kāko //

makhu rākhibeke kāja rājā mere saṃga dae,

dale jātudhāna je jitaiyā bibudhesake /

11

gautamakī tīya tārī, meṭe agha bhūri bhāra,

locana-atithi bhae janaka janesake //

caṃḍa bāhudaṃḍa-bala caṃḍīsa-kodaṃḍu khaṃḍyo

byāhī jānakī, jīte naresa desa-desake /

sā̃vare-gore sarīra dhīra mahābīra doū,

nāma rāmu lakhanu kumāra kosalesake //

kāla karāla nr̥pālanhake dhanubhaṃgu sunai pharasā liẽ dhāe /

lakkhanu rāmu biloki saprema mahārisateṃ phiri ā̃khi dikhāe //

dhīrasiromani bīra baḷe binayī bijayī raghunāthu suhāe /

lāyaka he bhr̥gunāyaku, se dhanu-sāyaka sauṃpi subhāyã sidhāe //

(iti bālakāṇḍa)

##------------------------------------------------------------##

ayodhyākāṇḍa

12

vana-gamana

kīrake kāgara jyoṃ nr̥pacīra, bibhūṣana uppama aṃgani pāī /

audha tajī magavāsake rūkha jyoṃ paṃthake sātha jyoṃ loga logāī //

saṃga subaṃdhu,punīta priyā, mano dharmu kriyā dhari deha suhāī /

rājivalocana rāmu cale taji bāpako rāju baṭāu kīṃ nāīṃ //

kāgara kīra jyoṃ bhūṣana-cīra sarīru lasyo taji nīru jyoṃ kāī /

mātu-pitā priya loga sabai sanamāni subhāyã saneha sagāī //

saṃga subhāmini, bhāi bhalo, dina dvai janu audha hute pahunāī /

rājivalocana rāmu cale taji bāpako rāju baṭāu kīṃ nāīṃ //

13

sithila saneha kahaiṃ kausilā sumitrājū soṃ,

maiṃ na lakhī sauti, sakhī ! bhaginī jyoṃ seī hai /

kahai mohi maiyā, kahauṃ-maiṃ na maiyā, bharatakī,

balaiyā lehauṃ bhaiyā, terī maiyā kaikeī hai //

tulasī sarala bhāyã raghurāyã māya mānī,

kāya-mana-bānīhū̃ na jānī kai mateī hai /

bāma bidhi mero sukhu sirisa-sumana-sama,

tāko chala-churī koha-kulisa lai ṭeī hai //

kījai kahā,jījī jū! sumitrā pari pāyã kahai,

tulasī sahāvai bidhi, soī sahiyatu hai

rāvaro subhāū rāmajanma hī teṃ jāniyata,

bharatakī mātu ko ki aiso cahiyatu hai //

jāī rājaghara, byāhi āī rājaghara māhã

rāja-pūtu pāehū̃ na sukhu lahiyatu hai /

deha sudhāgeha, tāhi mr̥gahū̃ malīna kiyo,

tāhū para bāhu binu rāhu gahiyatu hai //

14

guhakā pādaprakṣālana

nāma ajāmila-se khala koṭi apāra nadīṃ bhava būḷhata kāḷhe /

jo sumireṃ giri meru silākana hota, ajākhura bāridhi bāḷhe //

tulasī jehi ke pada paṃkaja teṃ pragaṭī taṭinī, jo harai agha gāḷhe /

te prabhū yā saritā taribe kahũ māgata nāva karāre hvai ṭhāḷhe //

ehi ghāṭateṃ thorika dūri ahai kaṭi lauṃ jalu thāha dekhāihauṃ jū /

paraseṃ pagadhūri tarai taranī, gharanī ghara kyoṃ samujhāihauṃ jū //

tulasī avalaṃbu na aura kachū, larikā kehi bhā̃ti jiāihauṃjū /

baru mārie mohi, binā paga dhoẽ hauṃ nātha na nāva caḷhāihauṃ jū //

rāvare doṣu na pāyanako, pagadhūriko bhūri prabhāu mahā hai /

pāhana teṃ bana-bāhana kāṭhako komala hai, jalu khāi rahā hai /

15

pāvana pāya pakhāri kai nāva caḷhāihauṃ, āyasu hota kahā hai /

tulasī suni kevaṭake bara baina hãse prabhu jānakī ora hahā hai //

pāta bharī saharī, sakala suta bāre-bāre,

kevaṭakī jāti, kachu beda na paḷhāihauṃ /

sabū parivāru mero yāhi lāgi, rājā jū,

hauṃ dīna bittahīna, kaiseṃ dūsarī gaḷhāihauṃ //

gautamakī gharanī jyoṃ taranī taraigī merī,

prabhusoṃ niṣādu hvai kai bādu nā baḷhāihauṃ /

tulasīke īsa rāma, rāvare soṃ sā̃cī kahauṃ,

binā paga dhõẽ nātha, nāva nā caḷhāihauṃ //

jinhako punīta bāri dhāraiṃ sarapai purāri,

tripathagāmini jasu beda kahaiṃ gāikai /

jinhako jogīṃndra munibr̥ṃda deva deha dami,

karata bibidha joga-japa manu lāikai //

16

tulasī jinhakī dhūri parasi ahalyā tarī,

gautama sidhāre gr̥ha gauno so levāikai /

teī pāya pāikai caḷhāi nāva dhoe binu,

khvaihauṃ na paṭhāvanī kai hvaihauṃ na hãsāi kai //

prabhurukha pāi kai, bolāi bālaka gharanihi,

baṃdi kai carana cahū̃ disi baiṭhe gheri-gheri /

choṭo-so kaṭhautā bhari āni pānī gaṃgājūko,

dhoi pāya pīata punīta bāri pheri-pheri //

tulasī sarāhaiṃ tāko bhāgu, sānurāga sura

baraṣaiṃ sumana, jaya-jaya kahaiṃ ṭeri ṭeri /

bibidha saneha-sānī bānī asayānī suni,

hãsai rāghau jānakī-lakhana tana heri-heri //

vanake mārgameṃ

purateṃ nikasī raghubīrabadhū dhari dhīra dae magameṃ ḍaga dvai /

jhalakīṃ bhari bhāla kanīṃ jalakī, puṭa sūkhi gae madhūrādhara vai //

17

phiri būjhati hai, calano aba ketika, parnakuṭī karihau kite hvai?

tiyakī lakhi āturatā piyakī ãkhiyā̃ ati cāru calīṃ jala cvai //

jalako gae lakkhanu, haiṃ larikā

parikhau, piya! chā̃ha gharīka hvai ṭhāḷhe /

poṃchi paseu bayāri karauṃ,

aru pāya pakhārihauṃ bhūbhuri-ḍāḷhe //

tulasī raghubīra priyāśrama jāni kai

baiṭhi bilaṃba lauṃ kaṃṭaka kāḷhe /

jānakīṃ nāhako nehu lakhyo,

pulako tanu, bāri bilocana bāḷhe //

ṭhāḷhe haiṃ navadrumaḍāra gaheṃ,

dhanu kā̃dhe dhareṃ , kara sāyaku lai /

bikaṭī bhr̥kuṭī, baḷarī ãkhiyā̃,

anamola kapolana kī chabi hai //

tulasī asa mūrati ānu hiẽ,

jaḍa! ḍāru dhauṃ prāna nichāvari kai /

18

śrama sīkara sā̃vari deha lasai,

mano rāsi mahā tama tārakamai //

jalajanayana ,jalajānana jaṭā hai sira,

jaubana-umaṃga aṃga udita udāra haiṃ

sā̃vare-goreke bīca bhāminī sudāminī-sī,

munipaṭa dhāraiṃ, ura phūlanike hāra haiṃ //

karani sarāsana silīmukha, niṣaṃga kaṭi,

ati hī anūpa kāhū bhūpake kumāra haiṃ /

tulasī biloki kai tilokake tilaka tīni

rahe naranāri jyoṃ citere citrasāra haiṃ //

āgeṃ sohai sā̃varo kũvaru goro pācheṃ-pācheṃ,

āche munibeṣa dhareṃ, lājata anaṃga haiṃ /

bāna bisiṣāsana, basana banahī ke kaṭi

kase haiṃ banāi, nīke rājata niṣaṃga haiṃ //

19

sātha nisināthamukhī pāthanāthanaṃdinī-sī,

tulasī bilokeṃ citu lāi leta saṃga haiṃ /

ānãda umaṃga mana,jaubana-umaṃga tana,

rūpakī umaṃga umagata aṃga -aṃga hai //

sundara badana, sarasīruha suhāe naina,

maṃjula prasūna mātheṃ mukuṭa jaṭani ke /

aṃsani sarāsana,lasata suci sara kara,

tūna kaṭi munipaṭa lūṭaka paṭani ke //

nāri sukumāri saṃga, jāke aṃga ubaṭi kai,

bidhi biracaiṃ barūtha bidyutachaṭani ke /

goreko baranu dekheṃ sono na salono lāge,

sā̃vare bilokeṃ garba ghaṭata ghaṭani ke //

balakala-basana, dhanu-bāna pāni, tūna kaṭi,

rūpake nidhāna ghana-dāminī-barana haiṃ /

tulasī sutīya saṃga ,sahaja suhāe aṃga,

navala kãvalahū teṃ komala carana haiṃ //

20

aurai so basaṃtu, aura rati, aurai ratipati,

mūrati bilokeṃ tana-manake harana haiṃ /

tāpasa beṣai banāi pathika patheṃ suhāi,

cale lokalocanani suphala karana haiṃ //

banitā banī syāmala gaurake bīca,

bilokahu, rī sakhi! mohi-sī hvai /

magajogu na komala, kyoṃ calihai,

sakucāti mahī padapaṃkaja chvai //

tulasī suni grāmabadhū bithakīṃ,

pulakīṃ tana, au cale locana cvai /

saba bhā̃ti manohara mohanarūpa

anūpa haiṃ bhūpake bālaka dvai //

sā̃vare-gore salone subhāyã, manoharatā̃ jiti mainu liyo hai /

bāna-kamāna, niṣaṃga kaseṃ, sira sohaiṃ jaṭā, munibeṣa kiyo hai //

21

saṃga liẽ bidhubainī badhū, ratiko jehi raṃcaka rupu diyo hai /

pāyana tau panahīṃ na, payādeṃhi kyoṃ calihaiṃ, sakucāta hiyo hai //

rānī maiṃ jānī ayānī mahā, pabi-pāhanahū teṃ kaṭhora hiyo hai /

rājahũ kāju akāju na jānyo, kahyo tiyako jehiṃ kāna kiyo hai //

aisī manohara mūrati e,bichureṃ kaise prītama logu jiyo hai /

ā̃khinameṃ sakhi! rākhibe jogu, inhaiṃ kimi kai banabāsu diyo hai //

sīsa jaṭā, ura- bāhu bisāla, bilocana lāla, tirīchī sī bhauhaiṃ /

tūna sarāsana-bāna dhareṃ tulasī bana-māragameṃ suṭhi sohaiṃ //

sādara bārahiṃ bāra subhāyã citai tumha tyoṃ hamaro,manu mohaiṃ /

pū̃chata grāmabadhū siya soṃ, kahau, sā̃vare-se sakhi! rāvare ko haiṃ //

suni suṃdara baina sudhārasa-sāne sayānī haiṃ jānakīṃ jānī bhalī /

tirache kari naina, dai saina tinhaiṃ samujhāi kachū musukāi calī //

22

tulasī tehi ausara sohaiṃ sabai avalokati locanalāhu alīṃ /

anurāga-taḷāgameṃ bhānu udaiṃ bigasī mano maṃjula kaṃjakalīṃ

dhari dhīra kahaiṃ, calu,dekhia jāi, jahā̃ sajanī! rajanī rahihaiṃ /

kahihai jagu poca, na socu kachū, phalu locana āpana tau lahihaiṃ

sukhu pāihaiṃ kāna suneṃ batiyā̃ kala, āpusameṃ kachu pai kahihaiṃ /

tulasī ati prema lagīṃ palakaiṃ, pulakīṃ lakhī rāmu hie mahi haiṃ //

pada komala, syāmala-gaura kalevara rājata koṭi manoja lajāẽ /

kara bāna-sarāsana, sīsa jaṭā, sarasīruha-locana sona suhāẽ //

jinha dekhe sakhī! satibhāyahu teṃ tulasī tinha tau mana pheri na pāe /

ehiṃ māraga āju kisora badhū bidhubainī sameta subhāyã sidhāe //

23

mukhapaṃkaja, kaṃjabilocana maṃju, manija-sarāsana-sī banī bhauhaiṃ /

kamanīya kalevara komala syāmala-gaura kisora, jaṭā sira sohaiṃ //

tulasī kaṭi tūna, dhareṃ dhanu bāna, acānaka diṣṭi parī tirachauhaiṃ /

kehi bhā̃ti kahauṃ sajanī! tohi soṃ mr̥du mūrati dvai nivasīṃ mana mohaiṃ //

vanameṃ

prema soṃ pīcheṃ tirīcheṃ prayāhi citai citu dai cale lai citu coraiṃ /

syāma sarīra paseu lasai hulasai 'tulasī' chabi so mana moraiṃ //

locana lola, valai bhr̥kuṭī kala kāma kamānahu so tr̥nu torai /

rājata rāmu kuraṃgake saṃga niṣaṃgu kase dhanusoṃ saru joraiṃ //

sara cārika cāru banāi kaseṃ kaṭi, pāni sarāsanu sāyaku lai /

bana khelata rāmu phiraiṃ mr̥gayā, 'tulasī' chabi so baranai kimi kai //

avaloki alaukika rūpu mr̥gīṃ mr̥ga cauṃki cakaiṃ, catavaiṃ citu dai /

na ḍagaiṃ, na bhagaiṃ jiyã jāni silīmukha paṃca dharaiṃ rati nāyaku hai //

24

biṃdhike bāsī udāsī tapī bratadhārī mahā binu nāri dukhāre /

gautamatīya tarī 'tulasī' so kathā suni bhe munibr̥ṃda sukhāre //

hvaihaiṃ silā saba caṃdamukhīṃ paraseṃ pada maṃjula kaṃja tihāre /

kīnhī bhalī raghunāyakaju! karunā kari kānanako pagu dhāre //

(iti ayodhyākāṇḍa)

##------------------------------------------------------------##

araṇyakāṇḍa

mārīcānudhāvana

paṃcavaṭīṃ bara parnakuṭī tara baiṭhe haiṃ rāmu subhāyã suhāe /

sohai priyā, priya baṃdhu lasai, 'tulasī' saba aṃga ghane chabi chāe //

dekhi mr̥gā mr̥ganainī kahe priya baina ,te prītamake mana bhāe /

hemakuraṃgake saṃga sarāsanu sāyaku lai raghunāyaku dhāe //

(iti araṇyakāṇḍa)

##------------------------------------------------------------##...

25

kiṣkiṇdhākāṇḍa

samudrollaṅghana

jaba aṅgadādinakī mati-gati maṃda bhaī,

pavanake pūtako na kūdibeko palu go /

sāhasī hvai sailapara sahasā sakeli āi,

citavata cahū̃ ora, aurani ko kalu go //

'tulasī' rasātalako nikasi salilu āyo,

kolu kalamalyo, ahi-kamaṭhako balu go /

cārihū caranake capeṭa cā̃pẽ cipiṭi go,

ucakeṃ ucaki cāri aṃgula acalu go //

(iti kiṣkindhākāṇḍa)

##------------------------------------------------------------##

26

sundarakāṇḍa

aśokavana

bāsava-baruna bidhi-banateṃ suhāvano,

dasānanako kānanu basaṃtako siṃgāru so /

samaya purāne pāta parata, ḍarata bātu,

pālata lālata rati-mārako bihāru so //

dekheṃ bara bāpikā taḷāga bāgako banāu,

rāgabasa bho birāgī pavanakumāru so /

sīyakī dasā bilokhi biṭapa asoka tara,

'tulasī' bilokyo so tiloka-soka-sāru so //

mālī meghamāla, banapāla bikarāla bhaṭa,

nīkeṃ saba kāla sīṃcaiṃ sudhāsāra nīrake /

meghanāda teṃ dulāro, prāna teṃ piyāro bāgu,

ati anurāgu jiyã jātudhāna dhīra keṃ //

'tulasī' so jāni-suni, sīyako darasu pāi,

paiṭho bāṭikā̃ bajāi bala raghubīra keṃ /

bidyamāna dekhata dasānanako kānanu so

tahasa-nahasa kiyo sāhasī samīra keṃ //

27

laṃkādahana

basana baṭori bori-bori tela tamīcara,

khori- khori dhāi āi bā̃dhata lãgūra haiṃ /

taiso kapi kautukī derāta ḍhīle gāta kai-kai,

lātake aghāta sahai, jīmeṃ kahai, kūra haiṃ //

bāla kilakārī kai-kai, tārī dai-dai gārī deta,

pācheṃ lāge, bājata nisāna ḍhola tūra haiṃ /

bāladhī baḷhana lāgī, ṭhaura- ṭhaura dīnhī āgī,

biṃdhikī davāri kaidhauṃ koṭisata sūra haiṃ //

lāi- lāi āgi bhāge bālajāla jahā̃ tahā̃,

laghu hvai nibuka giri meruteṃ bisāla bho /

kautukī kapīsu kūdi kanaka-kãgūrā̃ caḍhyo,

rāvana-bhavana caḷhi ṭhāḷho tehi kāla bho //

'tulasī' virājyo byoma bāladhī pasāri bhārī,

dekheṃ haharāta bhaṭa, kālu so karāla bho /

28

tejako nidhānu māno koṭika kr̥sānu-bhānu,

nakha bikarāla, mukhu teso risa lāla bho //

28

bāladhī bisāla bikarāla, jvālajāla māno

laṃka līlibeko kāla rasanā pasārī hai /

kaidhauṃ byomabīthikā bhare haiṃ bhūri dhūmaketu,

bīrarasa bīra taravāri so ughārī hai //

'tulasī' suresa-cāpu, kaidhauṃ dāmini-kalāpu,

kaidhauṃ calī meru teṃ kr̥sānu-sari bhārī hai /

dekheṃ jātudhāna-jātudhānīṃ akulānī kahaiṃ,

kānanu ujār yo, aba nagarū prajārihai //

jahā̃-tahā̃ bubuka biloki bubukārī deta,

jarata niketa, dhāvau, dhāvau lāgī āgi re /

kahā̃ tātu-mātu, bhrāta-bhaginī, bhāminī-bhābhī,

ḍhoṭhā choṭe choharā abhāge bhoṃḍe bhāgi re //

29

hāthī chorau, ghorā chorau, mahiṣa-br̥ṣabha chorau,

cherī chorau, so vaiso jagāvai, jāgi, jāgi re /

'tulasī' biloki akulānī jātudhānīṃ kahaiṃ,

bāra-bāra kahyauṃ, piya! kapisoṃ na lāgi re //

dekhi jvālājālu, hāhākāru dasakaṃdha suni,

kahyo,dharo, dharo, dhāe bīra balavāna haiṃ /

liẽ sūla-sela, pāsa-parigha, pracaṃḍa daṃḍa,

bhājana sanīra, dhīra dhareṃ dhanu-bāna haiṃ //

'tulasī' samidha sauṃja, laṃka jagyakuṃḍu lakhi,

jātudhānapuṃgīphala java tila dhāna haiṃ /

sravā so lãgūla, balamūla pratikūla habi,

svāhā mahā hā̃ki hā̃ki hunaiṃ hanumāna haiṃ //

gājyo kapi gāja jyauṃ, birājyo jvālajālajuta,

bhāje bīra dhīra , akulāi uṭhyo rāvano /

dhāvau, dhāvau, dharau, suni dhāe jātudhāna dhāri,

bāridhārā uladai jaladu jauna sāvano //

30

lapaṭa- jhapaṭa jhaharāne, haharāne bāta,

bhaharāne bhaṭa, par yo prabala parāvano /

ḍhakani ḍhakeli, peli saciva cale lai ṭheli,

nātha! na calaigo balu, analu bhayāvano //

baḷo bikarāla beṣu dekhi, suni siṃghanādu,

uṭhyo meghanādu, sabiṣāda kahai rāvano /

bega jityo mārutu,pratāpa mārataṃḍa koṭi,

kālaū karālatā̃, baḷāīṃ jityo bāvano //

'tulasī' sayāne jātudhāna pachitāne kahaiṃ,

jāko aiso dūtu, so to sāhebu abai āvano /

kāheko kusala roṣeṃ rāma bāmadevahū kī,

biṣama balīsoṃ bādi bairako baḷhāvano //

pānī! pānī! pānī! saba rāni akulānī kahaiṃ,

jāti haiṃ parānī,gati jānī gajacāli hai /

31

basana bisāraiṃ, manibhūṣana sãbhārata na,

ānana sukhāne, kahaiṃ, kyoṃhū koū pālihai //

'tulasī' mãdovai mīji hātha, dhuni mātha kahai,

kāhū̃ kāna kiyo na, maiṃ kahyo keto kāli hai /

bāpureṃ bibhīṣana pukāri bāra-bāra kahyo,

bānaru baḷī balāi ghane ghara ghālihai //

kānanu ujār yo to ujār yo, na bigār yo kachu,

bānaru becāro bā̃dhi ānyo haṭhi hārasoṃ /

nipaṭa niḍara dekhi kāhū na lakhyo biseṣi ,

dīnho nā chaḷāi kahi kulake kuṭhārasoṃ //

choṭe au baḷere mere pūtaū anere saba,

sā̃pani soṃ khelaiṃ, melaiṃ gare churādhāra soṃ /

'tulasī' mãdovai roi-roi kai bigove āpu,

bāra-bāra kahyo maiṃ pukāri dāḷhījārasoṃ //

32

rānīṃ akulānī saba ḍāḷhata parānī jāhiṃ,

sakaiṃ na biloki beṣu kesarīkumārako /

mīji-mīji hātha, dhunai mātha dasamātha-tiya,

"tulasī' tilau na bhayo bāhera agārako //

sabu asabābu ḍāḷho, maiṃ na kāḷho, taiṃ na kāḷho,

jiyakī parī, sãbhārai sahana-bhãḍāra ko /

khījhati mãdovai sabiṣāda dekhi meghanādu,

bayo luniyata saba yāhī dāḷhījārako //

rāvana kī rānīṃ bilakhānī kahai jātudhānīṃ,

hāhā! koū kahe bīsabāhu dasamāthasoṃ /

kāhe meghanāda! kāhe,kāhe re mahodara! tū̃

dhīraju na deta, lāi leta kyoṃ na hāthasoṃ //

kāhe atikāya! kāhe, kāhe re akaṃpana!

abhāge tīya tyāge bhoṃḷe bhāge jāta sātha soṃ /

'tulasī' baḷhāī bādi sālateṃ bisāla bāhaiṃ,

yāhīṃ bala bāliso birodhu raghunāthasoṃ //

33

hāṭa-bāṭa,koṭa-koṭa, aṭani, agāra,pauri,

khori-khori dauri-dauri dīnhī ati āgi hai /

ārata pukārata, sãbhārata na koū kāhū,

byākula jahā̃ so tahā̃ loka cale bhāgi haiṃ

bāladhī phirāvai, bāra-bāra jhaharāvai, jharaiṃ

bũdiyā-sī laṃka paghilāi pāga pāgihai /

'tulasī' biloki akulānī jātudhānīṃ kahaiṃ,

citrahū ke kapi soṃ nisācaru na lāgihai //

lagī, lāgī āgi, bhāgi-bhāgi cale jahā̃ -jahā̃,

dhīyako na māya, bāpa pūta na sãbhārahīṃ /

chūṭe bāra,basana ughāre, dhūma-dhuṃdha aṃdha,

kahaiṃ bāre-būḷhe 'bāri',bāri' bāra bārahīṃ //

haya hihināta, bhāge jāta ghaharāta gaja,

bhārī bhīra ṭheli-peli rauṃdi-khauṃdi ḍārahīṃ /

nāma,lai cilāta, bilalāta, akulāta ati,

'tāta tāta! tauṃsiata, jhauṃsiata, jhārahīṃ //

34

lapaṭa karāla jvālajālamāla dahū̃ disi,

dhūma akulāne, pahicānai kauna kāhi re /

pānīko lalāta bilalāta, jare gāta jāta

pare pāimāla jāta 'bhrāta! tū̃ nibāhi re //

priyā tū̃ parāhi, nātha! nātha!tū parāhi, bāpa !

bāpa tū̃ parāhi, pūta! pūta! tū̃ parāhi re' //

'tulasī' bilokī loga byākula behāla kahaiṃ,

lehi dasasīsa aba bīsa cakha cāhi re //

bīthikā-bajāra prati,aṭani agāra prati,

pavari-pagāra prati bānaru bilokie /

adha-ūrdha bānara, bidasi-disi bānaru hai,

māno rahyo hai bhari bānaru tilokiẽ //

mū̃daiṃ ā̃khi hiyameṃ,ughāreṃ ā̃khi āgeṃ ṭhāḷho,

dhāi jāi jahā̃-tahā̃, aura koū kokie /

lehu, aba lehu taba koū na sikhābo māno,

soī satarāi jāi jāhi-jāhi rokie //

35

eka karaiṃ dhauṃja, eka kahaiṃ,kāḍhau sauṃja, eka

auṃji, pānī pīkai kahaiṃ, banata na āvanano /

eka pare gāḷhe eka ḍāḷhata hīṃ kāḷhe, eka

dekhata haiṃ ṭhāḷhe, kahaiṃ, pāvaku bhayāvano //

'tulasī' kahata eka 'nīkeṃ hātha lāe kapi,

ajahū̃ na chāḷai bālu gālako bajāvano' /

'dhāo re,bujhāo re', ki bāvare hau rāvare,yā

aurai āgi lāgī na bujhāvai siṃdhu sāvano' //

kopi dasakaṃdha taba pralaya payoda bole,

rāvana-rajāi dhāe āi jūtha jori kai /

kahyo laṃkapati laṃka barata, butāo begi,

bānaru bahāi mārau mahābīra bori kai //

'bhaleṃ nātha!' nāi mātha cale pāthapradanātha,

baraṣaiṃ musaladhāra bāra-bāra ghori kai /

jīvanateṃ jāgī āgī, capari caugunī lāgī

'tulasī' bhabhari megha bhāge mukhu mori kai

36

ihā̃ jvāla jare jāta, uhā̃ glāni gare gāta,

sūkhe sakucāta saba kahata pukāra hai //

'juga ṣaṭa bhānu dekhe pralayakr̥sānu dekhe,

seṣa-mukha-anala biloke bāra-bāra haiṃ //

'tulasī'sunyo na kāna salilu sarpī-samāna,

ati aciriju kiyo kesarīkumāra hai|

bārida bacana suni dhune sīsa sacivanha,

kahaiṃ dasasīsa! 'īsa-bāmatā-bikāra haiṃ'

'pāvaku, pavanu, pānī, bhānu,himavānu, jamu,

kālu, lokapāla mere ḍara ḍāvā̃ḍola haiṃ /

sāhebu mahesu sadā saṃkita ramesu mohiṃ

mahātapa sāhasa biraṃci līnheṃ mola haiṃ //

'tulasī' tiloka āju dūjo na birājai rāju,

bāje-bāje rājanike beṭā-beṭī ola haiṃ /

ko hai īsa nāmako, jo bāma hota mohūse ko,

mālavāna! rāvareke bāvare-se bola haiṃ' //

37

bhūmi bhūmipāla, byālapālaka patāla, nāka-

pāla, lokapāla jete, subhaṭa-samāju hai /

kahai mālavāna,jātudhānapati ! rāvare ko

manahū̃ akāju ānai, aiso kauna āju hai //

rāmakohu pāvaku, samīru siya-svāsu, kīsu,

īsa-bāmatā biloku, bānarako byāju hai /

jārata pacāri pheri-pheri so nisaṃka laṃka,

jahā̃ bā̃ko bīru toso sūra-siratāju hai //

pāna-pakavāna bidhi nānā ke, sãdhāno, sīdho,

bibidha bidhāna dhāna barata bakhārahīṃ /

kanakakirīṭa koṭi palãga, peṭāre, pīṭha

kāḷhata kahāra saba jare bhare bhārahīṃ //

prabala anala bāḷhe jahā̃ kāḷhe tahā̃ ḍāḷhe,

jhapaṭa-lapaṭa bare bhavana-bhãḍārahīṃ /

38

'tulasi' agāru na pagāru na bajāru bacyo,

hāthī hathasāra jare ghore ghorasārahīṃ //

hāṭa-bāṭa hāṭaku pighali calo ghī-so ghano,

kanaka-karāhī laṃka talaphati tāyasoṃ //

nānāpakavāna jātudhāna balavāna saba

pāgi pāgi ḍherī kīnhī bhalībhā̃ti bhāyasoṃ //

pāhune kr̥sānu pavamānasoṃ paroso, hanumāna

sanamāni kai jeṃvāe cita-cāyasoṃ /

'tulasī' nihāri arināri dai-dai gāri kahaiṃ

bāvareṃ surāri bairu kīnhau rāmarāyasoṃ //

rāvana so rājarogu bāḷhata birāṭa-ura,

dinu-dinu bikala, sakala sukha rā̃ka so /

nānā upacāra kari hāre sura, sidhda,muni,

hota na bisoka, auta pāvai na manāka so //

rāmakī rajāiteṃ rasāinī samīrasūnu

utari payodhi pāra sodhi saravāka so /

39

jātudhāna-buṭa puṭapāka laṃka-jātarūpa-

ratana jatana jāri kiyo hai mr̥gāṃka-so //

sītājīse bidāī

jāri-bāri, kai bidhūma, bāridhi butāi lūma,

nāi mātho pagani, bho ṭhāḷho kara jori kai /

mātu! kr̥pā kīje, sahidāni dījai, suni sīya

dīnhī hai asīsa cāru cūḍāmani chori kai //

kahā kahauṃ tāta! dekhe jāta jyauṃ bihāta dina,

baḷī avalaṃba hī,so cale tumha tori kai /

'tulasī' sanīra naina, nehaso sithila baina,

bikala biloki kapi kahata nihori kai //

'divasa cha-sāta jāta jānibe na, mātu! dharu

dhīra, ari-aṃtakī avadhi rahi thorikai /

40

bāridhi bãdhāi setu aihaiṃ bhānukulaketu

sānuja kusala kapikaṭaku baṭori kai' //

bacana binīta kahi, sītāko prabodhu kari,

'tulasī' trikūṭa caḷhi kahata ḍaphori kai /

jai jai jānakīsa dasasīsa-kari-kesarī'

kapīsu kūdyo bāta-ghāta udadhi halori kai //

sāhasī samīrasūnu nīranidhi laṃghi lakhi

laṃka sidhdapīṭhu nisi jāgo hai masānu so /

'tulasī' biloki mahāsāhasu prasaṇna bhaī

debī sīya-sārikhī, diyo hai baradānu so //

bāṭikā ujāri, achadhāri māri, jāri gaḷhu,

bhānukulabhānuko pratāpabhānu-bhānu-so /

karata bisoka loka-kokanada, koka kapi,

kahai jāmavaṃta, āyo, āyo hanumāna so //

41

gagana nihāri, kilakārī bhārī suni,

hanumāna pahicāni bhae sānãda saceta haiṃ

būḷata jahāja bacyo pathikasamāju, māno

āju jāe jāni saba aṃkamāla deta haiṃ //

jai jai jānakīsa, jai jai lakhana-kapīsa' kahi,

kūdaiṃ kapi kautukī naṭata reta- reta haiṃ /

aṃgadu mayaṃdu nalu nīla balasīla mahā

bāladhī phirāvaiṃ,mukha nānā gati leta haiṃ //

āyo hanumānu, prānahetu aṃkamāla deta,

leta pagadhūri eka, cūmata lãgūla haiṃ /

eka būjhaiṃ bāra-bāra sīya-samācāra, kahaiṃ

pavanakumāru, bho bigataśrama-sūla haiṃ //

eka bhūkhe jāni, āgeṃ ānaiṃ kaṃda-mūla-phala,

eka pūjaiṃ bāhu balamūla tori phūla haiṃ /

eka kahaiṃ'tulasī' sakala sidhi tākeṃ, jākeṃ

kr̥pā-pāthanāta sītānāthu sānukūla haiṃ //

42

sīyako sanehu, sīlu, kathā tathā laṃkākī

kahata cale cāyasoṃ, sirāno pathu chanameṃ /

kahyo jubarāja boli bānarasamāju, āju

khāhu phala, suni peli paiṭhe madhubanameṃ /

māre bāgavāna, te pukārata devāna ge,

' ujāre bāga aṃgada' dekhāe ghāya tanameṃ /

kahai kapirāju, kari kāju āe kīsa, tula-

sīsakī sapatha kahāmodu mere manameṃ //

bhagavān rāmakī udāratā

nagaru kuberako sumerukī barābarī ,

biraṃci-budhdiko bilāsu laṃka niramāna bho /

īsahi caḷhāi sīsa bīsabāhu bīra tahā̃,

rāvanu so rājā raja-tejako nidhānu bho //

'tulasī' tilokakī samr̥dhdi, sauṃja, saṃpadā

sakeli cāki rākhī, rāsi, jā̃garu jahānu bho /

tīsareṃ upāsa banabāsa siṃdhu pāsa so

samāju mahārājajū ko eka dina dānu bho

(iti sundarakāṇḍa)

##------------------------------------------------------------##

laṃkākāṇḍa

rākṣasoṃkī cintā

baḷe bikarāla bhālu-bānara bisāla baḷe,

'tulasī' baḷe pahāra lai payodhi topihaiṃ /

prabala pracaṃḍa baribaṃḍa bāhudaṃḍa khaṃḍi

maṃḍi medinīko maṃḍalīka-līka lopihaiṃ //

laṃkadāhu dekheṃ na uchāhu rahyo kāhuna ko,

kahaiṃ saba saciva pukāri pā̃va ropihaiṃ /

bā̃cihai na pāchaiṃ tipurārihū murārihū ke,

ko hai rana rāriko jauṃ kosalesa kopihaiṃ //

44

trijaṭākā āśvāsana

trijaṭā kahati bāra-bāra tulasīsvarīsoṃ,

'rāghau bāna ekahīṃ samudra sātau soṣihaiṃ /

sakula sãghāri jātudhāna-dhāri jambukādi,

joginī-jamāti kālikākalāpa toṣihaiṃ //

rāju de nevājihaiṃ bajāi kai bibhīṣanai,

bajaiṃge byoma bājane bibudha prema poṣihaiṃ //

kauna dasakaṃdhu, kauna meghanādu bāpuro,

ko kuṃbhakarnu kīṭu, jaba rāmu rana roṣihaiṃ //

binaya-saneha soṃ kahati sīya trijaṭāsoṃ,

pāe kachu samācāra ārajasuvanake /

pāe jū, bãdhāyo setu utare bhānukulaketu,

āe dekhi-dekhi dūta dāruna duvanake //

badana malīna, balahīna, dīna dekhi, māno

miṭai ghaṭai tamīcara-timira bhuvanake /

lokapati-koka-soka mū̃de kapi-kokanada,

daṃḍa dvai rahe haiṃ raghu-āditi-uvanake //

45

jhūlanā

subhuju mārīcu kharu trisaru dūṣanu bāli,

dalata jehiṃ dūsaro saru na sā̃dhyo /

āni parabāma bidhi bāma tehi rāmasoṃ,

sakata saṃgrāmu dasakaṃdhu kā̃dhyo //

samujhi tulasīsa-kapi-karma ghara- ghara ghairu,

bikala suni sakala pāthodhi bā̃dhyo /

basata gaḷha baṃka, laṃkesanāyaka achata,

laṃka nahiṃ khāta kou bhāta rā̃dhyo //

'bisvajayī' bhr̥gunāyaka-se binu hātha bhae hani hātha hajārī /

bātula mātulakī na sunī sikha kā 'tulasī' kapi laṃka na jārī //

ajahū̃ tau bhalo raghunātha mileṃ, phiri būjhahai, ko gaja,kauna gajārī /

kīrti baḷo, karatūti baḷo, jana-bāta baḷo, so baḷoī bajārī //

46

jaba pāhana bhe banabāhana-se utare banarā, 'jaya rāma' raḍhaiṃ /

'tulasī' liẽ saila-silā saba sohata, ḍasāgaru jyoṃ bala bāri baḷhai /

kari kopu karaiṃ raghubīrako āyasu,kautuka hīṃ gaḷha kūdi caḷhai /

caturaṃga camū palameṃ dali kai rana rāvana-rāḷha-suhāḷa gaḷhai //

bipula bisāla bikarāla kapi-bhālu, māno

kālu bahu beṣa dhareṃ, dhāe kiẽ karaṣā /

lie silā-saila,sāla,tāla au tamāla tori

topaiṃ toyanidhi, surako samāju haraṣā //

ḍage digakuṃjara kamaṭhu kolu kalamale,

ḍole dharādhara dhāri, dharādharu dharaṣā /

'tulasī'tamaki calaiṃ, rāghaukī sapatha karaiṃ,

ko karai aṭaka kapikaṭaka amaraṣā //

47

āe suku, sāranu, bolāe te kahana lāge,

pulaka sarīra senā karata phahama hīṃ /

'mahābalī bānara bisāla bhālu kāla-se

karāla haiṃ, rahaiṃ kahā̃, samāhiṃge kahā̃ mahī' //

hãsyo dasakaṃdhu raghunāthako pratāpa suni,

'tulasī' durāve mukhu, sūkhata sahama hīṃ /

rāmake birodheṃ buro bidhi-hari-harahū ko,

sabako bhalo hai rājā rāmake rahama hīṃ //

aṃgadajīkā dūtatva

'āyo! āyo! āyo soī bānara bahori!'bhayo

soru cahũ ora laṃkā̃ āẽ jubarājakeṃ /

eka kāḷhaiṃ sauṃja, eka dhauṃja karaiṃ, 'kahā hvaihai,

poca bhaī,'mahāsocu subhaṭasamājakeṃ //

gājyo kapirāju raghurājakī sapatha kari,

mū̃de kāna jātudhāna māno gājeṃ gājakeṃ /

48

sahami sukhāta bātajātakī surati kari,

lavā jyoṃ lukāta, tulasī jhapeṭeṃ bājakeṃ //

tulasīsa bala raghubīrajū keṃ bālisutu

vāhi na ganata, bāta kahata karerī-sī /

bakasīsa īsajū kī khīsa hota dekhiata,

risa kāheṃ lāgati, kahata hauṃ maiṃ tarī-sī //

caḷhi gaḷha-maḷha dr̥ḷha,koṭakeṃ kãgūreṃ, kopi

neku dhakā dehaiṃ,ḷhaihaiṃ ḍhelanakī ḷherī-sī /

sunu dasamātha !nātha-ṇātake hamāre kapi

hātha laṃkā lāihaiṃ tau rahegī hatherī-sī //

'dūṣanu, birādhu,kharu, trisarā, kabaṃdhu badhe

tālaū bisāla bedhe, kautuka hai kāliko /

ekahi bisiṣa basa bhayo bīra bā̃kuro so,

tohū hai bidita balu mahābalī bāliko //

49

'tulasī' kahata hita mānato na neku saṃka,

mero kahā jaihai, phalu paihai tū kucāliko /

bīra-kari-kesarī kuṭhārapāni mānī hāri,

terī kahā calī, biḷa! tose ganai ghāli ko //

tosoṃ kahauṃ dasakaṃdhara re,raghunātha birodhu na kījie baure /

bāli balī, kharu, dūṣana aura aneka gire je-je bhītimeṃ daure //

aisia hāla bhaī tohi dhauṃ,na tu lai milu sīya cahai sukhu jauṃ re /

rāmakeṃ roṣa na rākhi sakaiṃ tulasī bidhi, śrīpati,saṃkaru sau re //

tū̃ rajanīcaranātha mahā, raghunāthake sevakako janu hauṃ hauṃ /

balavāna hai svānu galīṃ apanīṃ, tohi lāja na gālu bajāvata sauhauṃ /

bīsa bhujā, dasa sīsa harauṃ, na ḍarauṃ, prabhu-āyasu-bhaṃga teṃ jauṃ hauṃ /

khetameṃ kehari jyoṃ gajarāja dalauṃ dala, bāliko bālaku tauṃ hauṃ //

50

kosalarājake kāja hauṃ āju trikūṭu upāri, lai bāridhi borauṃ /

mahābhujadaṃḍa dvai aṃḍakaṭāha capeṭakīṃ coṭa caṭāka dai phorauṃ //

āyasu bhaṃgateṃ jauṃ na ḍarauṃ, saba mīji sabhāsada śronita ghorauṃ /

bāliko bālaku jauṃ, 'tulasī' dasahū mukhake ranameṃ rada torauṃ

ati kopasoṃ ropyo hai pāu sabhā̃, saba laṃka sasaṃkita, soru macā /

tamake ghananāda-se bīra pracāri kai, hāri nisācara-sainu pacā //

na ṭarai pagu meruhu teṃ garu bho, so mano mahi saṃga biraṃci racā /

'tulasī' saba sūra sarāhata haiṃ, jagameṃ balasāli hai bāli-bacā //

ropyo pāu paija kai, bicāri raghubīra balu

lāge bhaṭa samiṭi, na neku ṭasakatu hai //

tajyo dhīru-dharanīṃ,dharanīdhara dhasakata,

dharādharu dhīra bhāru sahi na sakatu hai //

mahābalī bālikeṃ dabata kalakati bhūmi,

'tulasī' uchali siṃdhu, meru masakatu hai /

51

kamaṭha kaṭhina pīṭhi ghaṭṭhā par yo maṃdarako,

āyo soī kāma, pai karejo kasakatu hai //

rāvaṇa aura mandodarī

jhūlanā

kanakagirisr̥ṃga caḷhi dekhi markaṭakaṭaku,

badata maṃdodarī parama bhītā /

sahasabhuja-mattagajarāja-ranakesarī

parasudhara garbu jehi dekhi bītā //

dāsa tulasī samarasūra kosaladhanī,

khyāla hīṃ bāli balasāli jītā /

re kaṃta ! tr̥na daṃta gahi 'sarana śrīrāmu' kahi,

ajahũ ehi bhā̃ti lai sauṃpu sītā //

re nīca! mārīcu bicalāi, hati tāḷakā,

bhaṃji sivacāpu sukhu sabahi dīnhyo /

sahasa dasacāri khala sahita khara-dūṣanahi,

paiṭhai jamadhāma, taiṃ ta_u na cīnhyo //

52

maiṃ jo kahauṃ, kaṃta! sunu maṃtu bhagavaṃtasoṃ

bimukha hvai bāli phalu kauna līnhyo /

bīsa bhūja, dasa sīsa khīsa gae tabahiṃ jaba,

īsa ke īsasoṃ bairu kīnhyo //

bāli dali, kālhi jalajāna pāṣāna kiye,

kaṃta ! bhagavaṃtu taiṃ ta_u na cīnheṃ /

bipula bikarāla bhaṭa bhālu-kapi kāla -se,

saṃga taru tuṃga girisr̥ṃga līnheṃ //

āigo kosalādhīsu tulasīsa jeṃhi

chatra misa mauli dasa dūri kīnheṃ /

īsa bakasīsa jani khīsa karu, īsa! sunu,

ajahũ kulakusala baidehi dīnheṃ //

sainake kapina ko ko ganai, arbude

mahābalabīra hanumāna jānī /

bhūlihai dasa disā, sīsa puni ḍolihaiṃ,

kopi raghunāthu jaba bāna tānī //

53

bālihū̃ garbu jiya māhiṃ aiso kiyo,

māri dahapaṭa diyo jamakī ghānīṃ /

kahati maṃdodarī, sunahi rāvana! mato,

baigi lai dehi baidehi rānī //

gahanu ujjāri,puru jāri,sutu māri tava,

kusala go kīsu bara bairi jāko /

dūsaro dūtū panu ropi kopeu sabhā̃,

kharba kiyo sarbako, garbu thāko //

dāsu tulasī sabhaya badata mayanaṃdinī,

maṃdamati kaṃta, sunu maṃtu mhāko /

taulau milu begi, nahi jauṃlauṃ rana roṣa bhayo

dāsarathi bīra birudaita bā̃ko //

kānanu ujāri, acchu māri, dhāri dhūri kīnhīṃ,

nagaru pracār yo, so bilokyo balu kīsako /

tumhaiṃ bidyamāna jātudhānamaṃḍalīmeṃ kapi

kopi ropyo pāu,so prabhāu tulasīsako //

kaṃta ! sunu maṃtu kula-aṃtu kiẽ aṃta hāni,

hāto kījai hīyateṃ bharoso bhuja bīsako /

54

taulauṃ milu begi jaulauṃ cāpu na caḷhāyo rāma,

roṣi bānu kāḍhyo na dalaiyā dasasīsako //

'pavanako pūtu dekhyo dūtu bīra bā̃kuro,jo

baṃka gaḷha laṃka-so ḍhakā̃ ḍhakeli ḍhāhigo /

bāli balasāliko so kālhi dāpu dali kopi,

ropyo pāu capari, camuko cāu cāhigo //

soī raghunātha kapi sātha pāthanāthu bā̃dhi,

āyo nātha! bhāge teṃ khiriri kheha khāhigo /

'tulasī' garabu taji milibeko sāju saji,

dehi siya, na tau piya! pāimāla jāhigo //

udadhi apāra utarata nahiṃ lāgī bāra

kesarīkumāru so adaṃḍa-kaiso ḍā̃ḷigo

bāṭikā ujāri, acchu, racchakani māri bhaṭa

bhārī bhārī rāureke cāura-se kā̃ḷigo //

55

'tulasī' tihāreṃ bidyamāna jubarāja āju

kopi pāu ropi, saba chūche kai kai chā̃ḷigo /

kahekī na lāja, piya! ājahū̃ na piya āe bāja,

sahita samāja gaḷhu rā̃ḍa-kaiso bhā̃ḷigo //

jāke roṣa-dusaha-tridoṣa-dāha dūri kīnhe,

paiata na chatrī-khoja khojata khalakameṃ /

māhiṣamatīko nātha !sāhasī sahasa bāhu //

samara-samartha nātha! herie halakameṃ //

sahita samāja mahārāja so jahājarāju

būḷi gayo jāke bala-bāridhi-chalakameṃ /

ṭūṭata pinākakeṃ manāka bāma rāmase, te

nāka binu bhae bhr̥gunāyaku palakameṃ //

56

kīnhī chonī chatrī binu chonipa-chapanihāra,

kaṭhina kuṭhāra pāni bīra-bāni jāni kai /

parama kr̥pāla jo nr̥pāla lokapālana pai,

jaba dhanuhāī hvaihai mana anumāni kai //

nākameṃ pināka misa bāmatā biloki rāma

rokyo paraloka loka bhārī bhrama bhāni kai /

nāi dasa mātha mahi, jori bīsa hātha, piya !

milie pai nātha ! raghunātha pahicāni kai //

kahyo matu mātula, bibhīṣanahū̃ bāra-bāra,

ā̃caru pasāra piya1 pā̃ya lai-lai hauṃ parī /

bidita bidehapura nātha! bhugunāthagati,

samaya sayānī kīnhī jaisī āi gauṃ parī /

bāyasa, birādha,khara,dūṣana, kabaṃdha, bāli,

baira raghubīrakeṃ na pūrī kāhūkī parī /

kaṃta bīsa loyana bilokie kumaṃtaphalu,

khyāla laṃkā lāī kapi rā̃ḍakī-sī jhoparī //

57

rāma soṃ sāmu kiẽ nitu hai hitu, komala kāja na kījie ṭā̃ṭhe /

āpani sūjhi kahauṃ,piya ! būjhie, jhūjhibe jogu na ṭhāharu, nāṭhe //

nātha! sunī bhr̥gunāthakathā, bali bāli gae cali bātake sā̃ṭheṃ /

bhāi bibhīṣanu jāi milyo, prabhu āi pare suni sāyara kā̃ṭheṃ //

pālibeko kapi-bhālu-camū jama kāla karālahuko paharī hai /

laṃka-se baṃka mahā gaḷha durgama ḷhāhibe-dāhibeko kaharī hai //

tītara-toma tamīcara-sena samīrako sūnu baḷo baharī hai /

nātha! bhalo raghunātha mileṃ rajanīcara-sena hiẽ haharī hai //

58

rākṣasa-vānara-saṃgrāma

roṣyo rana rāvanu, bolāe bīra bāna_ita,

jānata je rīti saba saṃjuga samājakī /

calī caturaṃga camū, capari hane nisāna,

senā sarāhana joga rāticararājakī //

tulasī biloki kapi-bhālu kilakata

lalakata lakhi jyoṃ kãgāla pātarī sunājakī /

rāmarūkha nirakhi haraṣyo hiyã hanūmānu,

māno khelavāra kholī sīsatāja bājakī //

sāji kai sanāha-gajagāha sa_uchāha dala,

mahābalī dhāe bīra jātudhāna dhīrake /

ihā̃ bhālu-baṃdara bisāla meru-maṃdara-se /

lie saila-sāla tori nīranidhitīrake //

tulasī tamaki-tāki bhire bhārī judhda krudhda,

senapa sarāhe nija nija bhaṭa bhīrake /

ruṃḍanake jhuṃḍa jhūmi-jhūmi jhukare-se nācaiṃ,

samara sumāra sūra māraiṃ raghubīrake //

59

tīkhe turaṃga kuraṃga suraṃgani sāji caḷhe chãṭi chaila chabīle /

bhārī gumāna jinheṃ manameṃ, kabahū̃ na bhae ranameṃ tana ḍhīle //

tulasī lakhī kai gaja kehari jyoṃ jhapaṭe,paṭake saba sūra salīle /

bhūmi pare bhaṭa bhūmi karāhata, hā̃ki hane hanumāna haṭhīle /

sūra sãjoila sāji subāji, susela dharaiṃ bagamela cale haiṃ

bhārī bhujā bharī,bhārī sarīra, balī bijayī saba bhā̃ti bhale haiṃ //

'tulasī' jinha dhāẽ dhukai dharanī, dharanīdhara dhaura dhakāna hale haiṃ /

te rana-tīkkhana lakkhana lākhana dāni jyoṃ dārida dābi dale haiṃ //

gahi maṃdara baṃdara-bhālu cale, so mano unaye ghana sāvanake /

'tulasī' uta jhuṃḍa pracaṃḍa jhuke, jhapaṭaiṃ bhaṭa je suradāvanake //

birujhe birudaita je kheta are, na ṭare haṭhi bairu baḷhāvanake /

rana māri macī uparī-uparā bhaleṃ bīra raghuppati rāvanake //

60

sara-tomara selasamūha pãvārata,mārata bīra nisācarake /

ita teṃ taru-tāla tamāla cale,khara khaṃḍa pracaṃḍa mahīdharake //

'tulasī' kari keharinādu bhire bhaṭa, khagga khage,khapuā kharake /

nakha-daṃtana soṃ bhujadaṃḍa bihaṃḍata, muṃḍasoṃ muṃḍa pare jharakaiṃ //

rajanīcara-mattagayaṃda-ghaṭā bighaṭai mr̥garājake sāja larai /

jhapaṭai bhaṭa koṭi mahīṃ paṭakai, garajai, raghubīrakī sauṃha karai

tulasī uta hā̃ka dasānanu deta, aceta bhe bīra, ko dhīra dharai /

birujho rana mārutako birudaita, jo kālahu kālaso būjhi parai //

je rajanīcara bīra bisāla, karāla bilokata kāla na khāe /

te rana-rora kapīsakisora baḷe barajora pare phaga pāye //

lūma lapeṭi, akāsa nihāri kai, hā̃ki haṭhī hanumāna calāe

sūkhi ge gāta, cale nabha jāta, pare bhramabāta, na bhūtala āe //

61

jo dasasīsu mahīdhara īsako bīsa bhujā khuli khelanihāro /

lokapa, diggaja, dānava ,deva sabai sahame suni sāhasu bhāro //

bīra baḷo birudaita balī, ajahū̃ jaga jāgata jāsu pãvāro /

so hanumāna hanyo muṭhikā̃ giri go girirāju jyoṃ gājako māro //

durgama durga, pahārateṃ bhāre, pracaṃḍa mahā bhujadaṃḍa bane haiṃ /

lakkhameṃ pakkhara, tikkhana teja, je sūrasamājameṃ gāja gane haiṃ //

te birudaita balī ranabā̃kure hā̃ki haṭhī hanumāna hane haiṃ /

nāmu lai rāmu dekhāvata baṃdhuko ghūmata ghāyala ghāyã ghane haiṃ //

hāthina soṃ hāthī māre, ghoresoṃ sãghāre ghore,

rathani soṃ ratha bidarani balavānakī /

62

caṃcala capeṭa, coṭa carana cakoṭa cāheṃ,

haharānī phaujeṃ bhaharānī jātudhānakī //

bāra-bāra sevaka-sarāhanā karata rāmu,

'tulasī' sarāhai rīti sāheba sujānakī /

lā̃bī lūma lasata, lapeṭi paṭakata bhaṭa,

dekhau dekhau, lakhana ! larani hanumānakī //

dabaki dabore eka, bāridhimeṃ bore eka,

magana mahīmeṃ, eka gagana uḷāta haiṃ /

pakari pachāre kara, carana ukhāre eka,

cīrī-phāri ḍāre, eka mīji māre lāta haiṃ //

'tulasī' lakhata, rāmu, rāvanu, bibudha, bidhi,

cakrapāni, caṃḍīpati, caṃḍikā sihāta haiṃ //

baḷe-baḷe bāna_ita bīra balavāna baḷe,

jātudhāna, jūthapa nipāte bātajāta haiṃ //

63

prabala pracaṃḍa baribaṃḍa bāhudaṃḍa bīra

dhāe jātudhāna, hanumānu liyo gheri kai /

mahābalapuṃja kuṃjarāri jyoṃ garaji, bhaṭa

jahā̃-tahā̃ paṭake lãgūra pheri-pheri kai /

māre lāta,tore gāta, bhāge jāta hāhā khāta,

kahaiṃ, 'tulasīsa! rākhi' rāmakī sauṃ ṭari kai /

ṭhahara-ṭhahara pare, kahari-kahari uṭhaiṃ,

hahari-hahari haru sidhda hãse heri kai //

jākī bā̃kī bīratā sunata sahamata sūra,

jākī ā̃ca abahū̃ lasata laṃka lāha-sī /

soī hanumāna balavāna bā̃ko bāna_ita,

johi jātudhāna-senā calyo leta thāha-sī //

kaṃpata akaṃpana, sukhāya atikāya kāya,

kuṃbhaūkarana āi rahyo pāi āha-sī /

dekhe gajarāja mr̥garāju jyoṃ garaji dhāyo,

bīra raghubīrako samīrasūnu sāhasī //

64

jhūlanā

matta-bhaṭa-mukuṭa, dasakaṃṭha-sāhasa-sa_ila-

sr̥ṃga-biddarani janu bajra-ṭā̃kī /

dasana dhari dharani cikkarata diggaja, kamaṭhu,

seṣu saṃkucita, saṃkita pinākī //

calata mahi-meru,ucchalata sāyara sakala,

bikala bidhi badhira disi-bidasi jhā̃kī /

rajanicara-gharani ghara garbha-arbhaka sravata,

sunata hanumānakī hā̃ka bā̃kī //

kaunakī hā̃kapara cauṃka caṃḍīsu, bidhi,

caṃḍakara thakita phiri turaga hā̃ke /

kaunake teja balasīma bhaṭa bhīma-se

bhīmatā nirakhi kara nayana ḍhā̃ke //

dāsa-tulasīsake biruda baranata biduṣa,

bīra birudaita bara bairi dhā̃ke /

nāka naraloka pātāla kou kahata kina

kahā̃ hanumānu-se bīra bā̃ke /

65

jātudhānāvalī-mattakuṃjaraghaṭā

nirakhi matagarāju jyoṃ giriteṃ ṭūṭyo /

bikaṭa caṭakana coṭa, carana gahi, paṭaki mahi,

nighaṭi gae subhaṭa, satu sabako chūṭyo //

'dāsu tulasī' parata dharani dharakata, jhukata

hāṭa-sī uṭhati jaṃbukani lūṭyo /

dhīra raghūbīrako bhīra ranabā̃kuro

hā̃ki hanumāna kuli kaṭaku kūṭyo //

chappai

katahũ biṭapa-bhūdhara upāri parasena baraṣṣata /

katahũ bājisoṃ bāji mardi, gajarāja karaṣṣata //

caranacoṭa caṭakana cakoṭa ari-ura-sira bajjata /

bikaṭa kaṭaku biddarata bīru bāridu jimi gajjata //

laṃgūra lapeṭata paṭaki bhaṭa,'jayati rāma,jaya!uccarata /

tulasīsa pavananaṃdanu aṭala judhda krudhda kautuka karata //

66

aṃga-aṃga dalita lalita phūle kiṃsuka-se

hane bhaṭa lākhana lakhana jātudhānake /

māri kai, pachāri kai, upāri bhujadaṃḍa caṃḍa,

khaṃḍi-khaṃḍi ḍāre te bidāre hanumānake //

kūdata kabaṃdhake kadamba baṃba-sī karata,

dhāvata dikhāvata haiṃ lāghau rāghaubānake /

tulasī mahesu, bidhi, lokapāla, devagana,

dekhata bevāna caḷhe kautuka masānake //

lothina soṃ lohūke prabāha cale jahā̃-tahā̃

mānahũ girinha geru jharanā jharata haiṃ /

śronitasarita ghaura kuṃjara-karāre bhāre,

kūlateṃ samūla bāji-biṭapa parata haiṃ //

subhaṭa-sarīra nīra-cārī bhārī-bhārī tahā̃,

sūrani uchāhu, kūra kādara ḍarata haiṃ /

phekari- phekari pheru phāri- phāri peṭa khāta,

kāka-kaṃka bālaka kolāhalu karata haiṃ //

67

ojharīkī jhorī kā̃dhe, ā̃tanikī selhī bā̃dheṃ,

mū̃ḍake kamaṃḍala khapara kiẽ kori kai /

joginī jhuṭuṃga jhuṃḍa-jhuṃḍa banīṃ tāpasīṃ-sī

tīra-tīra baiṭhīṃ so samara-sari khauri kai //

śronita soṃ sāni -sāni gūdā khāta satuā-se

preta eka piata bahori ghori-ghori kai /

'tulasi' baitāla-bhūta sātha lie bhūtanāthu,

heri- heri hãsata haiṃ hātha-hātha jori kai //

rāma sarāsana teṃ cale tīra rahe na sarīra, haḷāvari phūṭīṃ /

rāvana dhīra na pīra ganī, lakhi lai kara khaphpara jogini jūṭīṃ //

śronita -chīṭa chaṭāni jaṭe tulasī prabhu sohaiṃ mahā chabi chūṭīṃ /

māno marakkata-saila bisālameṃ phaili calīṃ bara bīrabahūṭīṃ

68

lakṣmaṇamūrchā

mānī maiganādasoṃ pracāri bhire bhārī bhaṭa,

āpane apana puruṣāratha na ḍhīla kī /

ghāyala lakhanalālu lakhī bilakhāne rāmu,

bhaī āsa sithila jagannivāsa-dīlakī //

bhāīko na mohu chohu sīyako na tulasīsa

kahaiṃ 'maiṃ bibhīṣanakī kachu na sabīla kī'

lāja bā̃ha bolekī, nevājakī sãbhāra-sāra

sāhebu na rāmu-se balāi leũ sīlakī //

kānana bāsu dasānana so ripu

ānanaśrī sasi jīti liyo hai /

bāli mahā balasāli dalyo

kapi pāli bibhīṣanu bhūpu kiyo haiṃ //

tīya harī, rana baṃdhu paryo

pai bhar yo saranāgata soca hiyo hai /

bā̃ha-pagāra udāra kr̥pāla

kahā̃ raghubīru so bīru biyo hai //

69

līnho ukhāri pahāru bisāla,

calyo tehi kāla, bilaṃbu na lāyo /

mārutanaṃdana mārutako, manako,

khagarājako begu lajāyo //

tīkhī turā 'tulasī' kahato

pai hiẽ upamāko samāu na āyo /

māno prataccha parabbatakī nabha /

līka lasī, kapi yoṃ dhuki dhāyo //

calyo hanumānu, suni jātudhāna kālanemi

paṭhayo ,so muni bhayo, pāyo phalu chali kai /

sahasā ukhāro hai pahāru bahu jojanako,

rakhavāre māre bhāre bhūri bhaṭa dali kai //

70

begu, balu,sāhasa,sarāhata kr̥pālu rāmu,

bharatakī kusala, acalu lyāyo cali kai /

hātha harināthake bikāne raghunātha janu,

sīlasiṃdhu tulasīsa bhalo mānyo bhali kai //

yudhdakā aṃta

bāpa diyo kānanu, bho ānanu subhānanu so,

bairī bhau dasānanu so, tīyako haranu bho

bāli balasāli dali, pāli kapirājako,

bibhīṣanu nevāji, seta sāgara-taranu bho //

ghora rāri heri tripurāri-bidhi hāre hiẽ,

ghāyala lakhana bīra nara baranu bho /

aise sokameṃ tiloku kai bisoka palahī meṃ,

sabahī ko tulasīko sāhebu saranu bho //

71

kuṃbhakarannu hanyo rana rāma, dalyo dasakaṃdharu kaṃdhara tore /

pūṣanabaṃsa bibhūṣana-pūṣana-teja-pratāpa gare ari-ore //

deva nisāna bajāvata, gāvata, sā̃vatu go manabhāvata bho re /

nācata-bānara-bhālu sabai 'tulasī' kahi 'hā re! hahā bhai aho re' //

māre rana rāticara rāvanu sakula dali,

anukūla deva-muni phūla baraṣatu hai /

nāga, nara, kiṃnara, biraṃci, hari, haru heri

pulaka sarīra hiẽ hetu haraṣata haiṃ //

bāma ora jānakī kr̥pānidhānake birājaiṃ,

dekhata biṣādu miṭai, modu karaṣatu haiṃ /

āyasu bho ,lokani sidhāre lokapāla sabai,

'tulasī' nihāla kai kai diye sarakhatu haiṃ //

(iti laṃkākāṇḍa)

##------------------------------------------------------------##.

72

uttarakāṇḍa

rāmakī kr̥pālutā

bāli-so bīru bidāri sukaṃṭhu, thapyo, haraṣe sura bājane bāje /

palameṃ dalyo dāsarathīṃ dasakaṃdharu, laṃka bibhīṣanu rāja birāje //

rāma subhāu suneṃ 'tulasī' hilasai alasī hama-se galagāje /

kāyara kūra kapūtanakī hada, teu garībanevāja nevāje //

beda paḷhaiṃ bidhi,saṃbhusabhīta pujāvana rāvanasoṃ nitu āvaiṃ /

dānava deva dayāvane dīna dukhī dina dūrahi teṃ siru nāvaiṃ //

aiseu bhāga bhage dasabhāla teṃ jo prabhutā kabi-kobida gāvaiṃ /

rāmase bāma bhaẽ tehi bāmahi bāma sabai sukha saṃpati lāvaiṃ //

beda birudhda mahī, muni sādhu sasoka kie suraloku ujāro /

aura kahā kahauṃ, tīya harī, tabahū̃ karunākara kopu na dhārau //

sevaka-choha teṃ chāḷī chamā, tulasī lakhyo rāma !subhāu tihāro /

tauloṃ na dāpu dalyau dasakaṃdhara, jaulau bibhīṣana lātu na māro //

73

soka samudra nimajjata kāḍhi kapīsu kiyo, jagu jānata jaiso /

nīca nisācara bairiko baṃdhu bibhīṣanu kīnha puraṃdara kaiso //

nāma liẽ apanāi liyo tulasī-so, kahauṃ jaga kauna anaiso /

ārata ārati bhaṃjana rāmu, garībanevāja na dūsaro aiso //

mīta punīta kiyo kapi bhāluko ,pālyo jyoṃ kāhũ na bāla tanujo /

sajjana sīṃva bibhīṣanu bho, ajahū̃ bilasai bara baṃdhubadhū jo //

kosalapāla binā 'tulasī' saranāgatapāla kr̥pāla na dūjo /

kūra, kujāti, kupūta, aghī, sabakī sudharai,jo karai naru pūjo //

tīya siromani sīya tajī, jehiṃ pāvakakī kaluṣāī dahī hai //

dharmadhuraṃdhara baṃdhu tajyo, puraloganikī bidhi boli kahī hai //

kīsa nisācarakī karanī na sunī,na bilokī, na citta rahī hai /

rāma sadā saranāgatakī anakhauṃhīṃ,anaisī subhāyã sahī hai //

74

aparādha agādha bhaẽ janateṃ, apane ura ānata nāhina jū /

ganikā,gaja , gīdha ,ajāmilake gani pātakapuṃja sirāhiṃ na jū //

liẽ bāraka nāmu sudhāmu diyo ,jehiṃ dhāma mahāmuni jāhiṃ na jū

tulasī! bhaju dīnadayālahi re ! raghunātha anāthahi dāhina jū //

prabhu satya karī prahalādagirā, pragaṭe narakehari khaṃbha mahā̃ /

jhaṣarāja grasyo gajarāju,kr̥pā tatakāla bilaṃbu kiyo na tahā̃ //

sura sākhi dai rākhī hai pāṃḍubadhū paṭa lūṭata, koṭika bhūpa jahā̃ /

tulasī ! bhaju soca-bimocanako, janako panu rāma na rākhyo kahā̃ //

75

naranāri ughāri sabhā mahũ hota diyo paṭu, socu har yo manako /

prahalāda biṣāda-nivārana, bārana-tārana, mīta akāranako //

jo kahāvata dīnadayāla sahī, jehi bhāru sadā apane panako /

'tulasī' taji āna bharosa bhajeṃ ,bhagavānu bhalo karihaiṃ janako //

riṣināri udhāri, kiyo saṭha kevaṭu mītu punīta, sukīrti lahī /

nijaloku dayo sabarī-khagako, kapi thāpyo, so māluma hai sabahī //

dasasīsa-birodha sabhīta bibhīṣanu bhūpu kiyo, jaga līka rahī /

karunānidhiko bhaju, re tulasī! raghunātha anāthake nāthu sahī //

kausika, biprabadhū mithilādhipake saba soca dale pala māhaiṃ /

bāli-dasānana-baṃdhu-kathā suni, satru susāheba-sīlu sarāhaiṃ //

aisī anūpa kahaiṃ tulasī raghunāyakakī aganī gunagāhaiṃ /

ārata, dīna, anāthanako raghunāthu karaiṃ nija hāthakī chāhaiṃ //

76

tere besāheṃ besāhata aurani, aura besāhikai becanihāre /

byoma, rasātala, bhūmi bhare nr̥pa kūra, kusāheba seṃtihũ khāre //

'tulasī' tehi sevata kauna marai ! rajateṃ laghuko karaiṃ meruteṃ bhāre?

svāmi susīla samartha sujāna, so to-ho tuhīṃ dasarattha dulāre

jātudhāna, bhālu, kapi, kevaṭa, bihaṃga jo-jo

pālyo nātha! sadya so\. so bhayo kāma-kājako /

ārata anātha dīna malina sarana āe,

rākhe apanāi, so subhāu mahārājako //

nāmu tulasī, pai bhoṃḍo bhā̃ga teṃ ,kahāyo dāsu,

kiyo aṃgīkāra aise baḷe dagābājako /

sāhebu samartha dasaratthake dayāladeva !

dūsaro na to-so tumhīṃ āpanekī lājako //

mahabalī bāli dali, kāyara sukaṃṭhu kapi

sakhā kie mahārāja! ho na kāhū kāmako /

bhrāta-ghāta-pātakī nisācara sarana āẽ,

kiyo aṃgīkāra nātha ete baḷe bāmako //

77

rāya, dasaratthake ! samartha tere nāma liẽ,

tulasī-se kūrako kahata jagu rāmako /

āpane nivājekī tau lāja mahārājako

subhāu, samujhata manu mudita gulāmako //

rūpa-sīlasiṃdhu, gunasiṃdhu, baṃdhu dīnako,

dayānidhāna, jānamani, bīrabāhu-bolako /

srādhda kiyo gīdhako, sarāhe phala sabarīke

silā-sāpa-samana, nibāhyo nehu kolako //

tulasī-urāu hota rāmako subhāu suni,

ko na bali jāi, na bikāi binu mola ko /

aisehu susāhebasoṃ jāko anurāgu na, so

baḷoī abhāgo, bhāgu bhāgo lobha -lolako //

sūrasiratāja, mahārājani ke mahārāja

jāko nāmu letahīṃ sukhetu hota ūsaro /

sāhebu kahā̃ jahāna jānakīsu so sujānu,

sumireṃ kr̥pāluke marālu hota khūsaro //

78

kevaṭa, paṣāna, jātudhāna, kapi-bhālu tāre,

apanāyo tulasī-so dhīṃga dhamadhūsaro /

bolako aṭala, bā̃hako pagāru, dīnabaṃdhu,

dūbareko dānī, ko dayānidhāna dūsaro //

kībeko bisoka loka lokapāla hute saba,

kahū̃ koū bho na caravāho kapi -bhāluko /

pabiko pahāru kiyo khyālahī kr̥pāla rāma,

bāpuro bibhīṣanu gharauṃdhā huto bālako //

nāma-oṭa leta hī nikhoṭa hota khoṭe khala,

coṭa binu moṭa pāi bhayo na nihālu ko?

tulasīkī bāra baḷī ḍhīla hoti sīlasiṃdhu !

bigarī sudhāribeko dūsaro dayālu ko //

nāmu liẽ pūtako punīta kiyo pātakīsu,

ārati nivārī 'prabhu pāhi' kaheṃ pīlakī /

79

chalaniko choṃḍī, so nigoḷī choṭī jāti -pā̃ti

kīnhī līna āpumeṃ sunārī bhoṃḷe bhīlakī //

tulasī au toribo bisārabo na aṃta mohi,

nīkeṃ hai pratīti rāvare subhāva-sīlakī /

deū,to dayāniketa, deta dādi dīnanako,

merī bāra mereṃ hī abhāga nātha ḍhīla kī //

āgeṃ pare pāhana kr̥pā̃ kirāta, kolanī,

kapīsa, nisicara apanāe nāẽ mātha jū /

sā̃cī sevakāī hanumāna kī sujānarāya,

riniyā̃ kahāe hau, bikāne tāke hātha jū //

tulasī-se khoṭe khare hota oṭa nāma hī kīṃ ,

tejī māṭī magahū kī mr̥gamada sātha jū /

bāta caleṃ bātako na mānibo bilagu, bali,

kākīṃ sevā̃ rījhikai nevājo raghunātha jū?

80

kausikakī calata, paṣānakī parasa pāya,

ṭūṭata dhanuṣa bani gaī hai janakakī /

kola,pasu,sabarī,bihaṃga,bhālu,rāticara,

ratinake lālacacina prāpati manakakī //

koṭi-kalā-kusala kr̥pāla natapāla ! bali,

bātahū ketika tina tulasī tanakakī /

rāya dasarattha ke samattha rāma rājamani !

tereṃ hereṃ lopai lipi bidhihū ganakakī //

silā-śrāpa pāpu guha-gīdhako milāpu

sabarīke pāsa āpu cali gae hau so sunī maiṃ /

sevaka sarāhe kapināyaku bibhīṣanu

bharatasabhā sādara saneha suradhunī maiṃ //

ālasī- abhāgī-aghī-ārata -anāthapāla

sāhebu samartha eku, nīkeṃ mana gunī maiṃ /

doṣa-dukha-dārida-dalaiyā dīnabaṃdhu rāma !

'tulasī' na dūsaro dayānidhānu dunī maiṃ //

81

mītu bālibaṃdhu, pūtu,dūtu, dasakaṃdhabaṃdhu

saciva, sarādhu kiyo sabarī-jaṭāiko /

laṃka jarī joheṃ jiyã socaso bibhīṣanuko,

kahau aise sāhebakī sevā̃ na khaṭāi ko //

baḷe eka-ekateṃ aneka loka lokapāla,

apane-apaneko tau kahaigo ghaṭāi ko /

sā̃kareke seibe, sarāhibe, sumiribeko

rāmu so na sāhebu na kumati-kaṭāi ko //

bhūmipāla,byālapāla,nākapāla, lokapāla

kārana kr̥pāla, maiṃ sabaike jīkī thāha lī /

kādarako ādaru kāhūkeṃ nāhiṃ dekhiata,

sabani sohāta hai sevā-sujāni ṭāhalī //

tulasī subhāyã kahai, nāhīṃ kachu pacchapātu,

kauneṃ īsa kie kīsa bhālu khāsa māhalī /

rāmahī ke dvāre pai bolāi sanamāniata

mose dīna dūbare kapūta kūra kāhalī //

82

sevā anurūpa phala deta bhūpa kūpa jyoṃ,

bihūne guna pathika piāse jāta pathake|

lekheṃ-jokhai cita'tulasī' svāratha hita,

nīkeṃ dekhe devatā devaiyā ghane gathake //

gīdhu māno guru kapi-bhālu māne mīta kai,

pūnīta gīta sāke saba sāheba samatthake /

aura bhūpa parakhi sulākhi tauli tāi leta,

lasamake khasamu tuhīṃ pai dasaratthake //

kevala rāmahīse mā̃go

rīti mahārājakī, nevājie jo mā̃gano,so

doṣa-dukha-dārida daridra kai-kai choḷie /

83

nāmu jāko kāmataru deta phala cāri, tāhi

'tulasī' bihāikai babūra-reṃḷa goḷie //

jāce ko naresa, desa-desako kalesu karai

dehaiṃ tau prasanna hvai baḷī baḷāī bauḷie /

kr̥pā-pāthanātha lokanātha-nātha sītānātha

taji raghunātha hātha aura kāhi auḷiye //

jākeṃ bilokata lokapa hota, bisoka lahaiṃ suraloga suṭhaurahi /

so kamalā taji caṃcalatā, kari koṭi kalā rijhavai suramaurahi //

tāko kahāi, kahai tulasī, tū̃ lajāhi na māgata kūkura-kaurahi /

jānakī-jīvanako janu hvai jari jāu so jīha jo jācata aurahi //

jaḷa paṃca milai jehiṃ deha karī, karanī lakhu dhauṃ dharanīdharakī /

janakī kahu, kyoṃ karihai na sãbhāra, jo sāra karai sacarācarakī //

tulasī! kahu rāma samāna ko āna hai, sevaki jāsu ramā gharakī /

jagameṃ gati jāhi jagatpatikī paravāha hai tāhi kahā narakī //

84

jaga jācia kou na, jācia jauṃ jiyã jācā jānakījānahi re /

jehi jācata jācakatā jari jāi, jo jārati jora jahānahi re //

gati dekhu bicāri bibhīṣanakī, aru ānu hie hanumānahi re /

tulasī ! bhaju dārida-doṣa-davānala saṃkaṭa-koṭi kr̥pānahi re //

udbodhana

sunu kāna diẽ, nitu nemu liẽ raghunāthahike gunagāthahi re /

sukhamaṃdira suṃdara rupu sadā ura āni dhareṃ dhanu-bhāthahi re //

rasanā nisi-bāsara sādara soṃ tulasī ! japu jānakīnāthahi re /

karu saṃga susīla susaṃtana soṃ, taji kūra, kuphaṃtha kusāthahi re //

suta, dāra, agāru, sakhā, parivāru biloku mahā kusamājahi re /

sabakī mamatā taji kai, samatā saji, saṃtasabhā̃ na birājahi re //

naradeha kahā, kari dekhu bicāru, bigāru gãvāra na kājahi re /

jani ḍolahi lolupa kūkaru jyoṃ, tulasī bhaju kosalarājahi re //

85

biṣayā paranāri nisā-tarunāī so pāi par yo anurāgahi re /

jamake paharu dukha, roga biyoga bilokata hū na birāgahi re //

mamatā basa taiṃ saba bhūli gayo, bhayo bhoru mahā bhaya bhāgahi re /

jaraṭhāi disā̃ ,rabikālu agyo, ajahū̃ jaḷa jīva ! na jāgahi re //

janamyo jehiṃ joni, aneka kriyā sukha lāgi karīṃ, na paraiṃ baranī /

jananī-janakādi hitu bhaye bhūri bahori bhaī urakī jaranī //

tulasī ! aba rāmako dāsu kahāi, hiẽ dharu cātakakī dharanī /

kari haṃsako beṣu baḷo sabasoṃ, taji de baka-bāyasakī karanī //

bhali bhāratabhūmi, bhaleṃ kula janmu, samāju sarīru bhalo lahi kai /

karaṣā taji kai paruṣā baraṣā hima, māruta, ghāma sadā sahi kai //

jo bhajai bhagavānu sayāna soī, 'tulasī' haṭha cātaku jyoṃ gahi kai //

natu aura sabai biṣabīja bae, hara hāṭaka kāmaduhā nahi kai //

86

jo sukr̥tī sucimaṃta susaṃta sujāna susīlasiromani svai /

sura-tīratha tāsu manāvata āvata ,pāvana hota haiṃ tā tanu chvai //

gunageha sanehako bhājanu so, saba hī soṃ uṭhāi kahauṃ bhuja dvai /

satibhāyã sadā chala chāḷi sabai'tulasī' jo rahai raghubīrako hvai //

vinaya

so jananī,so pitā, soi bhāi, sobhāmini,so sutu,so hita mero /

soi sago, so sakhā,soi sevaku, so guru, so suru,sāhebu cero //

so 'tulasī' priya prāna samāna, kahā̃ lauṃ banāi kahauṃ bahutero /

jo taji dehako, gehako nehu, sanehaso rāmako hoi sabero //

rāmu haiṃ mātu, pitā, guru, baṃdhu, au saṃgī,sakhā,sutu, svāmi, sanehī /

rāmakī sauṃha, bharoso hai rāmako, rāma rãgyo, ruci rācyo na kehī //

jīata rāmu, muẽ puni rāmu, sadā raghunāthahi kī gati jehī /

soī jie jagameṃ, 'tulasī' natu ḍolata aura mue dhari dehī //

87

rāmaprema hī sāra hai

siyarāma-sarupu agādha anūpa bilocana-mīnako jalu hai /

śruti rāmakathā, mukha rāmako nāmu, hiẽ puni rāmahiko thalu hai

mati rāmahi soṃ, gati rāmahi soṃ, rati rāmasoṃ, rāmahi ko balu hai /

sabakī na kahai, tulasīke mateṃ itano jaga jīvanako phalu hai //

dasaratthake dāni siromani rāma! purāna prasidhda sunyo jasu maiṃ /

nara nāga surāsara jācaka jo, tumasoṃ mana bhāvata pāyo na kaiṃ //

tulasī kara jori karai binatī, jo kr̥pā kari dīnadayāla sunaiṃ

jehi deha sanehu na rāvare soṃ,asi deha dharāi kai jāyã jiyaiṃ //

jhūṭho hai, jhūṭho hai,jhūṭho sadā jagu, saṃta kahaṃta je aṃtu lahā hai //

tāko sahai saṭha ! saṃkaṭa koṭika, kāḷhata daṃta, karaṃta hahā hai //

jānapanīko gumāna baḷho, tulasīke bicāra gãvāra mahā hai /

jānakījīvanu jāna na jānyo tau jāna kahāvata jānyo kahā hai //

88

tinha teṃ khara, sūkara, svāna bhale, jaḷatā basa te na kahaiṃ kachu vai /

'tulasī' jehi rāmasoṃ nehu nahīṃ so sahī pasu pū̃cha, biṣāna na dvai /

jananī kata bhāra muī dasa māsa, bhaī kina bā̃jha,gaī kina cvai /

jari jāu so jīvanu,jānakīnātha ! jiyai jagameṃ tumharau binu hvai //

gaja-bāji-ghaṭā, bhale bhūri bhaṭā, banitā, suta bhauṃha takaiṃ saba vai /

dharanī,dhanu dhāma sarīru bhalo, suralokahu cāhi ihai sukha svai /

saba phoṭaka sāṭaka hai tulasī,apano na kachū sapano dina dvai /

jari jāu so jīvana jānakīnātha! jiyai jagameṃ tumharo binu hvai //

surarāja so rāja-samāju, samr̥dhdi biraṃci, dhanādhipa-so dhanu bhau /

pavamānu-so pāvaku-so, jamu, somu-so, pūṣanu-so bhavabhūṣanu bho //

kari joga, samīrana sādhi,samādhi kai dhīra baḷo, basahū manu bho /

saba jāya,subhāyã kahai tulasī, jo nai jānakījīvanako janu bho //

89

kāmu-se rūpa, pratāpa dinesu-se, somu-se sīla, ganesu-se māne /

haricaṃdu-se sā̃ce, baḷe bidhi-se, maghavā-se mahīpa biṣai-sukha-sāne //

suka-se muni, sārada-se bakatā, cirajīvana lomasa teṃ adhikāne /

aise bhae tau kahā 'tulasī,' jo pai rājivalocana rāmu na jāne //

jhūmata dvāra aneka mataṃga jãjīra-jare, mada aṃbu cucāte /

tīkhe turaṃga manogati-caṃcala, paunake gaunahu teṃ baḷhi jāte //

bhītara caṃdramukhī avalokati, bāhara bhūpa kare na samāte /

aise bhae tau kahā, tulasī, jo pai jānakīnāthake raṃga na rāte //

rāja suresa pacāsakako bidhike karako jo paṭo likhi pāẽ /

pūta supūta, punīta priyā, nija suṃdaratā̃ ratiko madu nāẽ //

saṃpati-sidhdi sabai 'tulasī' manakī manasā catavaiṃ citu lāẽ //

jānakījīvanu jāne binā jaga aiseu jīva na jīva kahāẽ //

90

kr̥sagāta lalāta jo roṭina ko, gharavāta ghareṃ khurapā-khariyā /

tinha soneke meru-se ḍhera lahe,manu tau na bharo, gharu pai bhariyā //

'tulasī' dukhu dūno dasā duhũ dekhi, kiyo mukhu dārida ko kariyā /

taji āsa bho dāsu raghuppatiko, dasarathtako dāni dayā-dariyā //

ko bharihe harike ritaẽ, ritavai puni ko, hari jauṃ bharihai /

uthapai tehi ko,jehi rāmu thapai, thapihai tehi ko, hari jauṃ ṭarihai //

tulasī yahu jāni hiẽ apaneṃ sapaneṃ nahi kālahu teṃ ḍarihai /

kumayā̃ kachu hāni na auranakīṃ, jo pai jānakī-nāthu mayā karihai //

byāla karāla mahābiṣa, pāvaka mattagayaṃdahu ke rada tore /

sā̃sati saṃki calī, ḍarape hute kiṃkara, te karanī mukha more //

neku biṣādu nahīṃ prahalādahi kārana keharike bala ho re /

kaunakī trāsa karai tulasī jo pai rākhihai rāma, tau mārihai ko re /

91

kr̥pā̃ jinakīṃ kachu kāju nahīṃ,na akāju kachū jinakeṃ mukhū more /

karaiṃ tinakī paravāhi te, jo binu pū̃cha-biṣāna phiraiṃ dina daureṃ //

tulasī jehike raghunāthase nāthu, samartha susevata rījhata thore /

kahā bhavabhīra parī tehi dhauṃ bicare dharanīṃ tinasoṃ tinu toreṃ //

kānana, bhūdhara,bāri,bayāri, mahābiṣu, byādhi, davā-ari ghere /

saṃkaṭa koṭi jahā̃ 'tulasī' suta,mātu, pitā,hita,baṃdhu na naire //

rākhihaiṃ rāmu kr̥pālu tahā̃, hanumānu-se sevaka haiṃ jehi kere /

nāka, rasātala, bhūtalameṃ raghunāyaku eku sahāyaku mere //

jabai jamarāja-rajāyasateṃ mohi lai calihaiṃ bhaṭa bā̃dhi naṭaiyā /

tātu na mātu,na svāmi-sakhā, suta-baṃdhu bisāla bipatti bãṭaiyā //

sā̃sati ghora, pukārata ārata kauna sunai, cahũ ora ḍaṭaiyā /

eku kr̥pāla tahā̃ 'tulasī' dasaraththako naṃdanu baṃdi-kaṭaiyā //

92

jahā̃ jamajātanā, ghora nadī, bhaṭa koṭi jalaccara daṃta ṭaiveyā /

jahã dhāra bhayaṃkara,vārana pāra,na bohita nāva,na nīka khevaiyā //

'tulasī' jahã mātu-pitā na sakhā, nahiṃ kou kahū̃ avalaṃba devaiyā /

tahā̃ bunu kārana rāmu kr̥pāla bisāla bhujā gahi kāḷhi levaiyā //

jahā̃ hita svāmi, nasaṃga sakhā,banitā, suta,baṃdhu, na bāpa, na maiyā /

kāya-girā-manake janake aparādha sabai chalu chāḷi chamaiyā //

tulasī! tehi kāla kr̥pāla binā dūjo kauna hai dāruna duḥkha damaiyā //

jahā̃ saba saṃkaṭa, durgaṭa socu, tahā̃ mero sāhebu rākhai ramaiyā //

tāpasako baradāyaka deva sabai puni bairu baḷhāvata bāḷheṃ /

thoreṃhi kopu, kr̥pā puni thoreṃhi,baiṭhi kai jorata,torata ṭhāḷheṃ //

ṭhoṃki-bajāī lakheṃ gajarāja, kahā̃ lauṃ kahauṃ kehi soṃ rada kāḷheṃ /

āratake hita nāthu anāthake rāmu sahāya sahī dina gāḷheṃ //

93

japa,joga,birāga, mahāmakha-sādhana, dāna,dayā,dama koṭi karai /

muni-sidhda, suresu, ganesu, mahesu-se sevata janma aneka marai //

nigamāgama-gyāna, purāna paḷhe, tapasānalameṃ jugapuṃja jarai /

manasoṃ panu ropi kahai tulasī, raghunātha binā dukha kauna harai //

pātaka-pīna, kudārada-dīna malīna dharaiṃ katharī-karavā hai /

loku kahai, bidhihū̃ na likhyo sapanehū̃ nahīṃ apane bara bāhai //

rāmako kiṃkaru so tulasī, samujheṃhi bhalo, kahibo na ravā hai /

aiseko aiso bhayo kabahū̃ na bhaje binu bānarake caravāhai //

mātu-pitā̃ jaga jāi tajyo bidhihū̃ na likhī kachu bhāla bhalāī //

nīca, nirādarabhājana, kādara, kūkara-ṭūkana lāgi lalāī //

rāmu-subhāu sunyo tulasīṃ prabhusoṃ kahyo bāraka peṭu khalāī /

svārathako paramārathako raghūnāthu so sāhebu, khori na lāī //

94

pāpa hare, paritāpa hare,tanu pūji bho hītala sītalatāī /

haṃsu kiyo bakateṃ, bali jāũ, kahā̃lauṃ kahauṃ karunā-adhikāī //

kālu biloki kahai tulasī,manameṃ prabhukī paratīti aghāī /

janmu jahā̃, tahã rāvare soṃ nibahai bhari deha saneha-sagāī //

loga kahaiṃ, aru hauṃhu kahauṃ, janu khoṭo-kharo raghunāyakahīko /

rāvarī rāma! baḷī laghutā, jasu mero bhayo sukhadāyakahīko //

kai yaha hāni sahau, bali jāũ ki mohū karau nija lāyakahīko /

āni hiẽ hita jāni karau, jyoṃ hauṃ dhyānu dharauṃ dhanu-sāyakahīko //

āpu hauṃ āpuko nīkeṃ kai jānata, rāvaro rāma! bharāyo-gaḷhāyo /

kīru jyauṃ nāmu raṭai tulasī, so kahai jagu jānakīnātha paḷhāyo //

95

soī hai khedu, jo bedu kahai, na ghaṭai janu jo raghubīra baḷhāyo /

hauṃto sadā kharako asavāra, tihāroi nāmu gayaṃda caḷhāyo //

chārateṃ sãvāri kai pahārahū teṃ bhārī kiyo,

gāro bhayo paṃcameṃ punīta pacchu pāi kai /

hauṃ to jaiso taba taiso aba adhamāī kai kai,

peṭu bharauṃ, rāma! rāvaroī gunu gāīke //

āpane nivājekī pai kījai lāja, mahārāja!

merī ora heri kai na baiṭhie risāi kai /

pālikai kr̥pāla! byāla-bālako na māriye,

au kāṭie na nātha ! biṣahūko rukhu lāi kai //

beda na purāna-gānu, jānauṃ na bigyānu gyānu,

dhyāna-dhāranā-samādhi-sādhana-prabīnatā

nāhina birāgu, joga, jāga bhāga tulasī keṃ,

dayā-dāna dūbaro hauṃ, pāpahī kī pīnatā //

lobha-moha-kāma-koha-dośa-kosu-moso kauna?

kalihū̃ jo sīkhi laī meriyai malīnatā /

96

eku hī bharoso rāma! rāvaro kahāvata hauṃ,

rāvare dayālu dīnabaṃdhu ! merī dīnatā //

rāvaro kahāvauṃ, gunu gāvauṃ rāma! rāvaroi,

roṭī dvai hauṃ pāvauṃ rāma! rāvarī hīṃ kāni hauṃ /

jānata jahānu, mana merehū̃ gumānu baḷo,

mānyo maiṃ na dūsaro, na mānata, na mānihauṃ //

pā̃cakī pratīti na bharoso mohi āpanoī,

tumha apanāyo hauṃ tabai hīṃ pari jānihauṃ /

gaḷhi-guḷhi choli-chāli kuṃdakī-sī bhāīṃ bātaiṃ

jaisī mukha kahauṃ, taisī jīyã jaba ānihauṃ //

bacana,bikāru,karataba_u khuāra, manu

bigata-bicāra, kalimalako nidhānu hai /

rāmako kahāi,nāmu beci-beci, khāi sevā-

saṃgati na jāi, pāchilarako upakhānu hai //

tehū tulasīko logu balo-bhalo kahai, tāko

dūsaro na hetu,eku nīkeṃ kai nidānu hai /

97

lokarīti bidita bilokiata jahā̃-tahā̃,

svāmīkeṃ sanehã svānahū ko sanamānu hai //

nāma-viśvāsa

svārathako sāju na samāju paramārathako,

moso dagābāja dūsaro na jagajāla hai /

kai na āyoṃ,karauṃ na karaugo karatūti bhalī,

likhī na biraṃcihū̃ bhalāi bhūli bhāla hai //

rāvarī sapatha, rāmanāma hī kī gati mereṃ,

ihā̃ jhūṭho,jhūṭho so tiloka tihū̃ kāla hai /

tulasī ko bhalo pai tumhāreṃ hī kiẽ kr̥pāla,

kījai na bilaṃbu bali, pānībharī khāla hai //

rāguko na sāju, na birāgu, joga jāga jiyã

kāyā nahiṃ chāḷi deta ṭhāṭibo kuṭhāṭako /

98

manorāju karata akāju bhayo āju lagi,

cāhe cāru cīra, pai lahai na ṭūku ṭāṭako //

bhayo karatāru baḷe kūrako kr̥pālu, pāyo

nāmupremu-pārasu, hauṃ lālacī barāṭako /

'tulasī' banī hai rāma! rāvareṃ banāẽ, nāto

dhobī-kaiso kūkaru na gharako, na ghāṭako //

ū̃co manu, ū̃cī ruci, bhāgu nīco nipaṭa hī,

lokarīti-lāyaka na, laṃgara labāru hai //

svārathu agamu paramārathakī kahā calī,

peṭakīṃ kaṭhina jagu jīvako javāru hai //

cākarī na ākarī, na khetī, na banija-bhīkha,

jānata na kūra kachu kisaba kabāru hai /

tulasīkī bājī rākhi rāmahīkeṃ nāma, na tu

bheṃṭa pitarana ko na mūḷahū meṃ bāru hai //

99

apata-utāra ,apakārako agāru, jaga

jākī chā̃ha chuẽ sahamata byādha-bāghako /

pātaka-puhumi pālibeko sahasānanu so,

kānanu kapaṭako,payodhi aparādhako //

tulasī-se bhāmako bho dāhino dayānidhānu,

sunata sihāta saba sidhda sādhu sādhako /

rāmanāma lalita-lalāmu kiyo lākhaniko,

baḷo kūra kāyara kapūta-kauḷī ādhako //

saba aṃga hīna, saba sādhana bihīna mana-

bacana malīna, hīna kula karatūti hauṃ /

budhi-bala-hīna, bhāva-bhagati-bihīna, hīna

guna, gyānahīna, hīna bhāga hū̃ bibhūti hauṃ //

tulasī garība kī gaī-bahora rāmanāmu,

jāhi japi jīhã rāmahū ko baiṭho dhūti hauṃ /

prīti rāmanāmasoṃ pratīti rāmanāmakī,

prasāda rāmanāmakeṃ pasāri pāya sūtihauṃ

100

mereṃ jāna jabateṃ hauṃ jīva hvai janamyo jaga,

tabateṃ besāhyo dāma loha, koha, kāmako /

mana tinhīkī sevā,tinhi soṃ bhāu niko,

bacana banāi kahauṃ 'hauṃ gulāmu rāmako'

nāthahū̃ na apanāyo, loka jhūṭhī hvai parī, pai

prabhuhū teṃ prabala pratāpu prabhūnāmako /

āpanīṃ bhalāī bhalo kījai tau bhalāī, na tau

tulasīko khulaigo khajāno khoṭe dāmako

joga na birāgu, japa, jāga, tapa, tyāgu, brata,

tīratha na dharma jānauṃ,bedabidhi kimi hai /

tulasī-so poca na bhayo hai, nahi vhehai kahū̃,

socaiṃ saba, yāke agha kaise prabhu chamihaiṃ //

mereṃ to na ḍaru, raghubīra! sunau, sā̃cī kahauṃ,

khala anakhaihaiṃ tumhaiṃ,sajjana na gamihaiṃ /

bhale sukr̥tīke saṃga mihi tulā̃ taulie tau,

nāmakeṃ prasāda bhārū merī ora namihaiṃ //

101

jātike,sujātike,kujātike peṭāgi basa

khāe ṭūka sabake, bidita bāta dunīṃ so /

mānasa-bacana-kāyã kie pāpa satibhāyã,

rāmako kahāi dāsu dagābāja punī so /

rāmanāmako prabhāu, pāu, mahimā, pratāpu,

tulasī-so jaga maniata mahāmunī-so /

atihīṃ abhāgo, anurāgata na rāmapada,

mūḷha! eto baḷo aciriju dekhi-sunī so //

jāyo kula maṃgana, badhāvano bajāyo, suni

bhayo paritāpu pāpu jananī-janakako //

bāreteṃ lalāta-bilalāta dvāra-dvāra dīna,

jānata ho cāri phala cāri hī canakako //

tulasī so sāheba samarthako susevaku hai,

sunata sihāta socu bidhihū ganakako /

nāmu rāma! rāvaro sayāno kidhauṃ bāvaro,

jo karata girīṃteṃ garu tr̥nateṃ tanakako //

102

bedahũ purāna kahī, lokahahū̃ bilokiata,

rāmanāma hī soṃ rījheṃ sakala bhalāī hai /

kāsīhū karata upadesata mahesu soī,

sādhanā aneka citaī na cita lāī hai //

chāchīko lalāta je, te rāmanāmakeṃ prasāda,

khāta, khunasāta soṃdhe dūdhakī malāī hai /

rāmarāja suniata rājanītikī avadhi,

nāmu rāma! rāvaro tau cāmakī calāī hai //

soca-saṃkaṭani socu saṃkaṭu parata, jara

jarata, prabhāu nāma lalita lalāmako /

būḷiau tarati bigarīau sudharati bāta,

hota dekhi dāhino subhāu bidhi bāmako //

bhāgata abhāgu, anurāgata birāgu,bhāgu

jāgata ālasi tulasīhū-se nikāmako /

dhāī dhāri phirikai gohāri hitakārī hoti,

āī mīcu miṭati japata rāmanāmako //

103

ā̃dharo adhama zaḷa jājaro jarā̃ javanu

sūkarakeṃ sāvaka ḍhakā̃ ḍhakelyo magameṃ /

giro hiẽ hahari 'harāma ho, harāma hanyo'

hāya! hāya karata parīgo kālaphagameṃ //

'tulasī'bisoka hvai trilokapati loka gayo

nāmakeṃ pratāpa, bāta bidita hai jagameṃ /

soī rāmanāmu jo sanehasoṃ japata janu,

tākī mahimā kyoṃ kahī hai jāti agameṃ //

jāpakī na tapa-khapu kiyo, na tamāi joga,

jāga na birāga, tyāga, tīratha na tanako /

bhāīko bharoso na kharo-so bairu bairīhū soṃ,

balu apano na, hitū jananī na janako //

lokako na ḍaru, paralokako na socu, deva-

sevā na sahāya, garbu dhāmako na dhanako /

rāmahī ke nāmate jo hoī soī nīko lāgai,

aisoī subhāu kachu tulasīke manako //

104

īsu na, ganesu na, dinesu na, dhanesu na,

suresu,sura,gauri, girāpati nahi japane /

tumhareī nāmako bharoso bhava taribeko,

baiṭheṃ-uṭhe, jāgata-bāgata, soẽ sapaneṃ //

tulasī hai bāvaro so rāvaroī rāvarī sauṃ,

rāvareū jāni jiyã kījie ju apane|

jānakīramana mere! rāvareṃ badanu phereṃ,

ṭhāũ na samāũ kahā̃, sakala nirapane //

jāhira jahānameṃ jamāno eka bhā̃ti bhayo,

beṃcie bibudhadhenu rāsabhī besāhie /

aiseū karāla kalikālameṃ kr̥pāla ! tere

nāmakeṃ pratāpa na tritāpa tana dāhie //

tulasī tihāro mana-bacana-karama, teṃhi

nāteṃ neha-nemu nija orateṃ nibāhie /

raṃkake nevāja raghurāja ! rājā rājanike,

umari darāja mahārāja terī cāhie //

105

svāratha sayānapa, prapaṃcu paramāratha,

kahāyo rāma! rāvaro hauṃ, jānata jahāna hai /

nāmakeṃ pratāpa bāpa ! āju lauṃ nibāhī nīkeṃ,

āgeko gosāī ! svāmī sabala sujāna hai //

kalikī kucāli dekhi dina-dina dūnī, deva!

pāharūī cora heri hie haharāna hai /

tulasīkī ,bali, bāra-bārahīṃ sãbhāra kībī,

jadyapi kr̥pānidhānu sadā sāvadhāna hai //

dina-dina dūno dekhi dāridu, dukālu, dukhu,

durita durāju sukha-sukr̥ta sakoca hai /

māgeṃ paiṃta pāvata pacāri pātakī pracaṃḍa,

kālakī karālatā, bhaleko hota poca hai //

āpaneṃ tau eku avalaṃbu aṃba ḍiṃbha jyoṃ,

samartha sītānātha saba saṃkaṭa bimoca hai /

106

tulasīkī sāhasī sarāhie kr̥pāla rāma!

nāmakeṃ bharoseṃ parināmako nisoca hai //

moha-mada mātyo, rātyo kumati-kunārisoṃ,

bisāri beda-loka-lāja,ā̃karo acetu hai /

bhāve so karata, mũha āvai so kahata, kachu

kāhūkī sahata nāhiṃ, sarakaśa hetu hai //

tulasī adhika adhamāī hū ajāmilateṃ,

tāhūmeṃ sahāya kali kapaṭaniketu hai /

jaibeko aneka ṭeka, eka ṭeka hvaibekī, jo

peṭa-priyapūta hita rāmanāmu letu hai //

kalivarṇana

jāgie na soie, bigoie janamu jā̃,

dukha, roga roie, kalesu koha-kāmako /

107

rājā-raṃka, rāgī o birāgī, bhūribhāgī, ye

abhāgī jīva jarata, prabhāu kali bāmako //

tulasī! kabaṃdha-kaiso dhāibo bicāru aṃdha !

dhaṃdha dekhiata jaga, socu parināmako /

soibo jo rāmake sanehakī samādhi-sukhu,

jāgibo jo jīha japai nīkeṃ rāmanāmako //

barana-dharama gayo,āśrama nivāsu tajyo,

trāsana cakita so parāvano paro-so hai /

karamu upāsanā kubāsanā̃ bināsyo gyānu,

bacana-birāga, beṣa jagatu haro-so hai //

gorakha jagāyo jogu, bhagati bhagāyo logu,

nigama-niyogateṃ so kela hī charo-so hai /

kāyã-mana-bacana subhāyã tulasī hai jāhi

rāmanāmako bharoso,tāhiko bharoso hai //

108

beda-purāna bihāi supaṃthu, kumāraga, koṭi kucāli calī hai /

kālu karāla, nr̥pāla kr̥pāla na, rājasamāju baḷoī chalī hai //

barna-bibhāga na āśramadharma, dunī dukha-doṣa-daridra-dalī hai /

svārathako paramārathako kali rāmako nāmapratāpu balī hai //

na miṭe bhavasaṃkaṭa, durghaṭa he tapa, tīratha janma aneka aṭo /

kalimeṃ na birāgu, na gyānu kahū̃,sabu lāgata phokaṭa jhūṭha-jaṭo //

naṭu jyoṃ jani peṭa-kupeṭaka koṭika ceṭaka-kautuka-ṭhāṭa ṭhaṭo /

tulasī jo sadā sukhu cāhia tau,rasanā̃ nisi-bāsara rāmu raṭo //

dama durgama ,dāna,dayā,makha,karma, sudharma adhīna sabai dhanako /

tapa,tīratha,sādhana,joga, birāgasoṃ hoi,nahīṃ dr̥ḷhatā tanako //

kalikāla karālamuṃ'rāmakr̥pālu' yahai avalaṃbu baḷo manako /

'tulasī'saba saṃjamahīna sabai,eka nāma-adhāru sadā janako

pāi sudeha bimoha-nadī-taranī na lahī, karanī na kachū kī /

rāṃkathā baranī na banāi, sunī na kathā prahlāda na dhrūkī //

109

aba jora jarā jari gātu gayo, mana māni galāni kubāni na mūkī /

nīkeṃ kai ṭhīka daī tulasī, avalaṃba baḷī ura ākhara dūkī //

rāma-nāma-mahimā

rāmu bihāi 'marā' japateṃ bigarī sudharī kabikokilahū kī /

nāmahi teṃ gajakī, ganikākī, ajāmilakī cali gai calacūkī //

nāmapratāpa baḷeṃ kusamāja bajāi rahī pati pāṃḍubadhūkī /

tāko bhalo ajahū̃ 'tulasī' jehi prīti-pratīti hai ākhara dūkī //

nāma ajāmila-se khala tārana, tārana bārana-bārabadhuko /

nāma hare prahalāda-biṣāda, pitā-bhaya-sā̃sati sāgaru sūko //

nāmasoṃ prīti-pratīti bihīna gilyo kalikāla karāla, na cūko /

rākhihaiṃ rāmu so jāsu hiẽ tulasī hulasai balu ākhara dūko

110

jīva jahānameṃ jāyo jahā̃, so tahā̃, 'tulasī' tihũ dāha daho hai /

dosu na kāhu,kiyo apano, sapanehū̃ nahīṃ sukhalesu laho hai //

rāmake nāmateṃ hou so hou, na sou hiẽ, rasanā hīṃ kaho hai /

kiyo na kachū,karibo na kachū, kahibo na kachū,mariboi raho hai //

jīje na ṭhāũ, na āpana gāũ, surālayahū ko na saṃbalu mereṃ /

nāmu raṭo,jamabāsa kyoṃ jāũ ko āi sakai jamakiṃkaru nereṃ //

tumharo saba bhā̃ti tumhāria sauṃ, tumhahī bali hau moko ṭhāharu hereṃ /

bairakha bā̃ha basāie pai tulasī-gharu byādha-ajāmila-khereṃ //

kā kiyo jogu ajāmilajū,ganikā̃ mati pema pagāī /

byādhako sādhupano kahie, aparādha agādhani meṃ hī janāī //

karunākarakī karunā karunā hita,nāma-suheta jo deta dagāī /

kāheko khījhia rījhia pai, tulasīhu soṃ hai, bali soi sagāī //

111

je mada-māra-bikāra bhare, te acāra-bicāra samīpa na jāhīṃ /

hai abhimānu taū manameṃ, janu bhāṣihai dūsare dīnana pāhīṃ? //

jau kachu bāta banāi kahauṃ, tulasī tumhameṃ, tumhahū ura māhīṃ /

jānakījīvana! jānata hau, hama haiṃ tumhare, tuma meṃ ,saku nāhīṃ

dānava-deva, ahīsa-mahīsa, mahāmuni-tāpasa, sidhda-samājī /

jaga-jācaka, dāni dutīya nahīṃ, tumha hī sabakī saba rākhata bājī //

ete baḷe tulasīsa! taū sabarīke die binu bhūkha na bhājī /

rāma garībanevāja! bhae hau garībanevāja garība nevājī //

kisabī,kisāna-kula,banika, bhikhārī, bhāṭa,

cākara,capala naṭa, cora, cāra ceṭakī /

112

peṭako paḷhata guna gaḷhata, caḷhata giri,

aṭata gahana-gana ahana akheṭakī //

ū̃ce-nīce karama, dharama-adharama kari,

peṭa hī ko pacata, becata beṭā-beṭakī /

'tulasī' bujhāi eka rāma ghanasyāma hī teṃ,

āgi baḷavāgiteṃ baḷī hai āgi peṭakī //

khetī na kisānako,bhikhārīko na bhīkha, bali,

banikako banija, na cākarako cākarī /

jīvikā bihīna loga sīdyamāna soca basa,

kahaiṃ eka ekana soṃ'kahā̃ jāī, kā karī?'

bedahū̃ purāna kahī,lokahū̃ bilokiata,

sā̃kare sabai pai,rāma! rāvareṃ kr̥pā karī /

dārida-dasānana dabāī dunī, dīnabaṃdhu!

durita-dahana dekhi tulasī hahā karī //

113

kula- karatūti-bhūti-kīrati-surūpa-guna-

jaubana jarata jura, parai na kala kahīṃ /

rājakāju kupatha, kusāja bhoga roga hī ke,

beda-budha bidyā pāi bibasa balakahīṃ //

gati tulasīkī lakhai na kou, jo karata

pabbayateṃ chāra, chāre pabbaya palaka hīṃ /

kāsoṃ kījai roṣu dījai kāhī, pāhi rāma!

kiyo kalikāla kuli khalalu khalaka hīṃ //

babura-bahereko banāi bāgu lāiyata,

rū̃dhibeko soī surataru kāṭiyatu hai /

gārī deta nīca haricaṃdahū dadhīcihū ko,

āpane canā cabāi hātha cāṭiyatu hai //

āpu mahāpātakī, hãsata hari-harahū ko,

āpu hai abhāgī, bharibhāgī ḍāṭiyatu hai /

kaliko kaluṣa mana malina kie mahata,

masakakī pā̃surī payodhi pāṭiyatu hai //

114

sunie karāla kalikāla bhūmipāla! tumha,

jāhi ghālo cāhie, kahau dhauṃ rākhai tāhi ko /

hau tau dīna dūbaro, bigāro-ḍhārī rāvaro na,

maiṃhū taiṃhū tāhiko, sakala jagu jāhiko //

kāma,kohū lāi kai dekhāiyata ā̃khi mohi,

ete māna akasu kībeko āpu āhi ko //

sāhebu sujāna, jinha svānahū̃ ko pacchu kiyo,

rāmabolā nāmu, hauṃ gulāmu rāmasāhiko //

115

sā̃cī kahau,kalikāla karāla !maiṃ ḍhāro-bigāro tihāro kahā hai /

kāmako, kohako,lobhako, mohako mohisoṃ āni prapaṃcu rahā hai //

hau jaganāyaku lāyaka āju, pai meriau ṭeva kuṭeva mahā hai /

jānakīnātha binā 'tulasī' jaga dūsaresoṃ karihauṃ na hahā hai //

bhāgīrathī-jalu pānakarauṃ,aru nāma kai rāmake leta nitai hauṃ /

moko na leno, na deno kachū, kali ! bhūlī na rāvarī ora citehau //

jāni kai joru karau, parināma tumhai pachitaihau, pai maiṃ na bhitehauṃ /

brāhmana jyoṃ ugilyo uragāri, hauṃ tyauṃ hīṃ tihāreṃ hiẽ na hitaihauṃ //

rājamarālake bālaka peli kai pālata-lālata khūsarako /

suci suṃdara sāli sakeli, so bāri kai bīju baṭorata ūsarako //

guna-gyāna-gumānu, bhãbheri baḷī, kalapadrumu kāṭata mūsarako /

kalikāla bicāru acāru haro, nahiṃ sūjhai kachū dhamadhūsarako //

116

kībe kahā,paḷhibeko kahā phalu, būjhi na bedako bhedu bicāraiṃ /

svārathako paramārathako kali kāmada rāmako nāmu bisāraiṃ //

bāda-bibāda biṣādu baḷhāi kai chātī parāī au āpanī jāraiṃ /

cārihuko, chahuko, navako, dasa-āṭhako pāṭhu kukāṭhu jyoṃ phāraiṃ //

āgama beda, purāna bakhānata māraga koṭina, jāhiṃ na jāne /

je muni te puni āpuhi āpuko īsu kahāvata sidhda sayāne //

dharma sabai kalikāla grase, japa,joga birāgu lai jīva parāne /

ko kari socu marai 'tulasī' hama jānakīnāthake hātha bikāne //

dhūta kahau, avadhūta kahau, rajapūtu kahau, jolahā kahau koū /

kāhūkī beṭīsoṃ beṭā na byāhaba, kāhūkī jāti bigāra na soū //

117

tulasī saranāma gulāmu hai rāmako,jāko rucai so kahai kachu oū /

mā̃gi kai khaibau, masītako soibo, laiboko eku na daibeko doū //

mereṃ jāti-pā̃ti na cahauṃ kāhūkī jāti-pā̃ti,

mere koū kāmako na hauṃ kāhūke kāmako

loku paraloku raghunāthahī ke hātha saba,

bhārī hai bharoso tulasīke eka nāmako //

atihī ayāne upakhāno nahi būjhaiṃ loga,

'sāha hī ko gotu gotu hota hai gulāmako //

sādhu kai asādhu, kai bhalo kai poca,socu kahā,

kākāhūke dvāra parauṃ, jo hauṃ so hauṃ rāmako //

koū kahai, karata kusāja, dagābāja baḷo,

koū kahai rāmako gulāmu kharo khūba hai /

sādhu jānaiṃ mahāsādhu, khala jānaiṃ mahākhala,

bānī jhū̃ṭhī-sā̃cī koṭi uṭhata habūba hai //

cahata na kāhūsoṃ na kahata kāhūkī kachū,

sabakī sahata , ura aṃtara na ūba hai /

tulasīko bhalo poca hātha raghunāthahī ke

rāmakī bhagati-bhūmi merī mati dūba hai //

118

jāgaiṃ jogī-jaṃgama, jatī-jamātī dhyāna dharaiṃ

ḍaraiṃ ura bhārī lobha, moha, koha,kāmake /

jāgaiṃ rājā rājakāja, sevaka-samāja,sāja,

socaiṃ suni samācāra baḷe bairī bāmake //

jāgaiṃ budha bidyā hita paṃḍita cakita cita,

jāgaiṃ lobhī lālaca dharani ,dhana dhāmake /

jāgaiṃ bhogī bhoga hīṃ, biyogī, rogī sogabasa,

sovaiṃ sukha tulasī bharose eka rāmake //

rāmu mātu,pitu, baṃdhu, sujana, guru, pūjya, paramahita /

sāhebu, sakhā,sahāya,neha-nāte, punīta cita //

desu,kosu, kulu,karma,darma, dhanu, dhāma,dharani, gati /

jāti-pā̃ti saba bhā̃ti lāgi rāmahi hamāri pati //

119

mahārāja, bali jāũ, rāma ! sevaka-sukhadāyaka /

mahārāja, bali jāũ, rāma !sundara saba lāyaka //

mahārāja, bali jāũ, rāma ! rājīvabilocana //

bali jāũ,rāma ! karunāyatana, pranatapāla, pātakaharana /

bali jāũ, rāma ! kali-bhaya-bikala tulasidāsu rākhia sarana //

jaya tāḷakā-subāhu-mathana mārīca-mānahara!

munimakha-racchana-daccha, silātārana, karunākara !

nr̥pagana-bala-mada sahita saṃbhu-kodaṃḍa-bihaṃḍana !

jaya kuṭhāradharadarpadalana dinakarakulamaṃḍana //

jaya janakanagara-ānaṃdaprada, sukhasāgara, suṣamābhavana /

kaha tulasidāsu suramukumani, jaya jaya jaya jānakiramana //

120

jaya jayaṃta-jayakara, anaṃta, sajjanajanaraṃjana!

jaya birādha-badha-biduṣa, bibudha-munigana-bhaya-bhaṃjana

jaya nisicarī-birūpa-karana raghubaṃsabibhūṣana!

subhaṭa caturdasa-sahasa dalana trisirā-khara-dūṣana //

jaya daṃḍakabana-pāvana-karana,tulasidāsa-saṃsaya-samana!

jagabidita jagatamani, jayati jaya jaya jaya jaya jānakiramana!

jaya māyāmr̥gamathana, gīdha-sabarī-udhdārana !

jaya kabaṃdhasūdana bisāla taru tāla bidārana !

davana bāli balasāli, thapana sugrīva, saṃtahita !

kapi karāla bhaṭa bhālu kaṭaka pālana,kr̥pālacita!

jaya siya-biyoga-dukha hetu kr̥ta-setubaṃdha bāridhidamana !

dasasīsa bibhīṣana abhayaprada, jaya jaya jaya jānakiramana !

121

rāmapremakī pradhānatā

kanakakudharu kedāru, bīju suṃdara suramani bara /

sīṃci kāmadhuka dhenu sudhāmaya paya bisudhdatara //

tīrathapati aṃkurasarūpa jacchesa raccha tehi /

marakatamaya sākhā-suputra, maṃjaraya lacchi jehi //

kaivalya sakala phala, kalapataru,subha subhāva saba sukha barisa /

jāya so subhaṭu samartha pāi rana rāri na maṃḍai /

jāya so jatī kahāya biṣaya-bāsanā na chaṃḍai //

jāya dhaniku binu dāna, jāya nirdhana binu dharmahi /

jāya so paṃḍita paḷhi purāna jo rata na sukarmahi //

suta jāya mātu-pitu-bhakti binu, tiya so jāya jehi pati na hita /

saba jāya dāsu tulasī kahai, jauṃ na rāmapada nehu nita //

122

ko na krodha niradahyo, kāma basa kehi nahi kīnho?

ko na lobha dr̥ḷha phaṃda bā̃dhi trāsana kari dīnho ?

kauna hr̥dayã nahi lāga kaṭhīna ati nāri-nayana-sara?

locanajuta nahi aṃdha bhayo śrī pāi kauna nara ?

sura-nāga-loka mahimaṃḍalahũ ko ju moha kīnho jaya na ?

kaha tusidāsu so ūbarai, jehi rākha rāmu rājivanayana //

bhauṃha-kamāna sãdhāna suṭhāna je nāri-bilokani-bānateṃ bā̃ce /

kopa-kr̥sānu gumāna-avā̃ ghaṭa-jyoṃ jinake mana āva na ā̃ce /

lobha sabai naṭake basa hvai kapi-jyoṃ jagameṃ bahu nāca na nāce

nīke haiṃ sādhu sabai tulasī, pai teī raghubīrake sevaka sā̃ce //

beṣa subanāi suci bacana kahaiṃ cuvāi

jāi tau na jarani dharani-dhana-dhāmakī /

123

koṭika upāya kari lāli pāliata deha,

mukha kahiata gati rāmahīke nāmakī //

pragaṭaiṃ upāsanā, durāvaiṃ durabāsanāhi,

mānasa nivāsabhūmi lobha-moha-kāmakī /

rāga-roṣa-iriṣā-kapaṭa-kuṭilāī bhare

tulasī-se bhagata bhagati cahaiṃ rāmakī //

kālihīṃ taruna tana, kālihīṃ dharani-dhara,

kālihīṃ jitauṃgo rana, kahata kucāli hai /

kālihīṃ sādhauṃgo kāja, kālihīṃ rājā-samāja,

masaka hvai kahai, ' bhāra mere meru hālihai' //

tulasī yahī kubhā̃ti ghane ghara ghāli āī,

ghane ghara ghālati hai, ghane ghara ghālihai /

dekhata- sunata-samujhatahū na sūjhai soī,

kabahū̃ kahyo na kālahū ko kālu kāli hai //

124

rāmabhaktikī yācanā

bhayo na tikāla tihū̃ loka tulasī-so maṃda,

niṃdaiṃ saba sādhu,suni mānauṃ na sakocu hauṃ /

jānata na jogu hiyã hāni mānaiṃ jānakīsu,

kāheko parekho,pāpī prapaṃcī pocu hauṃ //

peṭa bharibeke kāja mahārājako kahāyoṃ

mahārājahū̃ kahyo hai pranata-bimocu hauṃ /

nija aghajāla, kalikālakī karālatā

biloki hota byākula, karata soī socu hauṃ //

dharma keṃ setu jagamaṃgalake hetu bhūmi-

bhāru haribeko avatāru liyo narako /

nīti au pratīti-prītipāla cāli prabhu mānu

loka-beda rākhibeko panu raghubarako //

bānara-bibhīṣanakī ora ke kanāvaḷe haiṃ,

so prasaṃgu suneṃ aṃgu jare anucarako /

rākhe rīti āpanī jo hoi soī kījai, bali,

tulasī tihāro ghara jāyaū hai gharako //

125

nāma mahārājake nibāha nīko kījai ura

sabahī sohāta, maiṃ na logani sohāta hauṃ /

kījai rāma! bāra yahi merī ora caṣa-kora

tāhi lagi raṃka jyoṃ saneha ko lalāta hauṃ //

tulasī biloki kalikālakī karālatā

kr̥pālako subhāu samujhata sakucāta hauṃ

loka eka bhā̃tiko, trilokanātha lokabasa

āpano na socu, svāmī-socahīṃ sukhāta hauṃ //

prabhukī mahattā aura dayālutā

taulauṃ lobha lolupa lalāta lālacī labāra,

bāra-bāra lālacu dharani-dhana-dhāmako /

126

tabalauṃ biyoga-roga-soga, bhoga jātanāko

juga sama lāgata jīvanu jāma-jāmako /

taulauṃ dukha-dārida dahata ati nita tanu

tulasī hai kiṃkaru bimoha-koha-kāmako /

saba dukha āpane, nirāpane sakala sukha,

jaulauṃ janu bhayo na bajāi rājā rāmako //

taulauṃ malīna , hīna dīna, sukha sapaneṃ na,

jahā̃-tahā̃ dukhī janu bhājanu kalesako /

taulauṃ ubene pāya phirata peṭau khalāya

bāya muha sahata parābhau desa-desako /

tabalauṃ dayāvano dusaha dukha dāridako,

sātharīko soibo, oḷhibo jhūne khesako //

jabalauṃ na bhajai jīhã jānakī-jīvana rāmu,

rājanako rājā so tau sāhebu mahesako //

īsanake īsa, mahārājanake mahārāja,

devanake deva, deva! prānahuke prāna hau /

127

kālahūke kāla, mahābhūtanake mahābhūta,

karmahūke karama, nidānake nidāna hau /

nigama ko agama, sugama tulasīhū-seko

ete māna sīlasiṃdhu, karunānidhāna hau /

mahimā apāra, kāhū bolako na vārāpāra,

baḷī sāhabīmeṃ nātha ! baḷe sāvadhāna hau //

āratapāla kr̥pāla jo rāmu jehīṃ sumire tehiko tahã ṭhāḍheṃ /

nāma-pratāpa-mahāmahimā ãkare kiye khoṭeu choṭeu bāḷhe //

sevaka ekateṃ eka aneka bhae tulasī tihũ tāpa na ḍāḷhe /

prema badauṃ prahalādahiko, jina pāhanateṃ paramesvaru kāḷhe //

kāḷhi kr̥pāna, kr̥pā na kahū̃, pitu kāla karāla biloki na bhāge /

'rāma kahā̃? saba ṭhāū̃haiṃ,' khaṃbhameṃ? 'hā̃'suni hā̃ka nr̥kehari jāge //

bairi bidāri bhae bikarāla, kaheṃ pralādahikeṃ anurāge /

prīti-pratīti baḷī tulasī, tabateṃ saba pāhana pūjana lāge //

128

aṃtarajāmihuteṃ baḷe bāherajāmi haiṃ rāma, je nāma liyeteṃ /

dhāvata dhenu penhāi lavāī jyoṃ bālaka-bolani kāna kiyeteṃ //

āpani būjhi kahai tulasī, kahibekī na bāvari bāta biyeteṃ /

paija pareṃ prahalādahuko pragaṭe prabhu pāhanateṃ, na hiyeteṃ //

bālaku boli diyo bali kālako kāyara koṭi kucāli calāī /

pāpī hai bāpa, baḷe paratāpateṃ āpani orateṃ khori na lāī //

bhūri daīṃ biṣamūri, bhaī prahalāda-sudhāīṃ sudhākī malāī /

rāmakr̥pā̃ tulasī janako kaga hota bhaleko bhalāī bhalāī //

kaṃsa karī br̥jabāsina pai karatūti kubhā̃ti, calī na calāī /

paṃḍūke pūta sapūta, kapūta sujodhana bho kali choṭo chalāī //

129

kānha kr̥pāla baḷe natapāla, gae khala khecara khīsa khalāī /

ṭhīka pratīti kahai tulasī, jaga hoī bhale ko bhalāī bhalāī //

avanīsa aneka bhae avanīṃ, jinake ḍarateṃ sura soca sukhāhīṃ /

mānava-dānava-deva satāvana rāvana ghāṭi racyo jaga māhīṃ //

te miliye dhari dhūri sujodhanu, je calate bahu chatrakī chā̃hīṃ /

beda purāna kahaiṃ ,jagu jāna, gumāna, gobiṃdahi bhāvata nāhīṃ //

gopiyoṃkā ananya prema

jaba nainana prīti ṭhaī ṭhaga syāma soṃ, syānī sakhī haṭhi hauṃ barajī /

nahi jāno biyogu-so rogu hai āgeṃ, jhukī taba hauṃ tehi soṃ tarajī //

aba deha bhaī paṭa nehake ghāle soṃ, byauṃta karai birahā-darajī /

brajarājakumāra binā sunu bhr̥ṃga ! anaṃgu bhayo jiyako garajī //

130

joga-kathā paṭhaī brajako,saba so saṭha cerīkī cāla calākī /

ūdhau jū! kyauṃ na kahai kubarī, jo barī naṭanāgara heri halākī //

jāhi lagai pari jāne soī, tulasī so sohāgini naṃdalalākī /

jānī hai jānapanī harikī, aba bā̃dhiyaigī kachu moṭi kalākī //

paṭhayo hai chapadu chabīleṃ kānha kaihū̃ kahū̃

khaujikai khavāsu khāso kubarī-sī bālako /

gyānako gaḷhaiyā,binu girāko paḷhaiyā,bāra-

khālako kaḷhaiyā, so baḷhaiyā ura-sālako //

prītiko badhīka,rasa rītiko adhika,nīti-

nipuna, bibeku hai, nidesu desa-kālako /

tulasī kaheṃ na banai, saheṃ hī banaigī saba

jogu bhayo jogako biyogu naṃdalālako //

131

vinaya

hanumāna vhe kr̥pāla, lāḍile lakhanalāla!

bhāvate bharata! kījai sevaka-sahāya jū /

binatī karata dīna dūbaro dayāvano so

bigareteṃ āpu hī sudhāri līje bhāya jū //

merī sāhibinī sadā sīsapara bilasati

debi kyoṃ na dāsako dekhāiyata pāya jū /

khījhahūmeṃ rījhibekī bāni sadā rījhata haiṃ,

rījhe hvaihaiṃ, rāmakī dohāī, raghurāya jū //

beṣa birāgako, rāga bharo manu māya! kahauṃ satibhāva hauṃ tosoṃ /

tere hī nāthako nāmu lai beci hauṃ pātakī pāvãra prānani posoṃ //

ete baḷe aparādhī aghī kahũ, taiṃ kahu, aṃba! ki mero tū̃ mosoṃ /

svārathako paramārathako paripurana bho, phiri ghāṭi na hosoṃ //

132

sītāvaṭa-varṇana

jahā̃ bālamīki bhae byādhateṃ muniṃdu sādhu

'marā marā' japeṃ sikha suni riṣi sātakī /

sīyako nivāsa, lava-kusako janamathala

tulasī chuvata chā̃ha tāpa garai gātakī //

biṭapamahīpa surasarita samīpa sohai,

sītābaṭu pekhata punīta hota pātakī /

bāripura digapura bīca bilasati bhūmi,

aṃkita jo jānakī-carana-jalajātakī //

marakatabarana parana ,phala mānika-se

lasai jaṭājūṭa janu rūkhabeṣa haru hai /

suṣamāko ḍhairu kaidhauṃ sukr̥ta-sumeru kaidhauṃ,

saṃpadā sakala muda-maṃgalako gharu hai //

deta abhimata jo sameta prīti seiye

pratīti māni tulasī, bicāri kāko tharu hai /

surasari nikaṭa suhāvanī avani sohai

rāmaravaniko baṭu kali kāmataru hai //

133

devadhuni pāsa, munibāsu,śrīnivāsu jahā̃,

prākr̥tahū̃ baṭa-būṭa basata purāri haiṃ /

joga-japa-jāgako, birāgako punīta pīṭhu

rāgini pai sīṭhi ḍīṭhi bāharī nihāri haiṃ //

'āyasu', 'ādesa', 'bābū' bhalo-bhalo bhāvasidhda

tulasī bicāri jogī kahata pukāri haiṃ /

rāma-bhagatanako tau kāmataruteṃ adhika,

siyabaṭu seyeṃ karatala phala cāri haiṃ //

citrakūṭa-varṇana

jahā̃ banu pāvano suhāvane bihaṃga-mr̥ga,

dekhi ati lāgata anaṃdu kheta-khū̃ṭa-so /

134

sītā-rāma-lakhana-nivāsu, bāsu muninako,

sidhda-sādhu-sādhaka sabai bibeka-būṭa-so //

jharanā jharata jhāri sītala punīta bāri,

maṃdākini maṃjula mahesajaṭājūṭa-so /

tulasī jauṃ rāmaso sanehu sā̃co cāhiye tau,

seiye sanehasoṃ bicitra citrakūṭa so //

moha-bana-kalimala-pala-pīna jāni jiya

sādhu-gāi-bipranake bhayako nevārihai /

dīnhīhai rajāi rāma, pāi so sahāi lāla

lakhana samattha bīra heri-heri mārihai //

mādākinī maṃjula kamāna asi,bāna jahā̃

bāri-dhāra dhīra dhari sukara sudhārihai /

citrakūṭa acala aheri baiṭhyo ghāta māno

pātakake brāta ghora sāvaja sãghārihai //

lāgi davāri pahāra ṭhahī, lahakī kapi laṃka jathā kharakhaukī /

cāru cuā cahũ ora calaiṃ, lapaṭaiṃ-jhapaṭaiṃ so tamīcara tauṃkī //

135

kyauṃ kahi jāta mahāsuṣamā, upamā taki tākata hai kabi kauṃ kī /

māno lasī tulasī hanumāna hiẽ jagajīti jarāyakī caukī //

tīrtharāja-suṣamā

deva kahaiṃ apanī-apanā, avalokana tīratharāju calo re /

dekhi miṭaiṃ aparādha agādha, nimajjata sādhu-samāju bhalo re //

sohai sitāsitako milibo, tulasī hulasai hiya heri halore /

māno hare tr̥na cāru caraiṃ bagare suradhenuke dhaula kalore //

śrīgaṅgā-mahātmya

devanadī kahã jo jana jāna kie manasā, kula koṭi udhāre /

dekhi cale jhagaraiṃ suranāri, suresa banāi bimāna sãvāre //

pūjāko sāju biraṃci racaiṃ tulasī, je mahātama jānanihāre /

okakī nīva parī hariloka bilokata gaṃga ! taraṃga tihāre //

136

brahmu jo byāpaku beda kahaiṃ, gama nāhiṃ girā guna-gyāna-gunīko /

jo karatā, bharatā, haratā,sura-sāhebu,sāhebu dīna-dunīko //

soi bhayo dravarūpa sahī, jo hai nāthu biraṃci mahesa munīko /

māni pratīti sadā tulasī jalu kāhe na sevata devadhunīko //

bāri tihāro nihāri murāri bhaẽ paraseṃ pada pāpu lahaugo //

īsa hvai sīsa dharauṃ pai ḍarauṃ , prabhukī samatā̃ baḷe doṣa dahauṃgo //

baru bārahiṃ bāra sarīra dharauṃ,raghubīrako hvai tava tīra rahauṃgo /

bhāgīrathī! binavauṃ kara jori, bahori na khori lagai so kahauṃgo //

137

annapūrṇā-mahātmya

lālacī lalāta, bilalāta dvāra-dvāra dīna,

badana malīna, mana miṭai nā bisūranā /

tākata sarādha, kai bibāha, kai uchāha kachū,

ḍolai lola būjhata sabada ḍhola-tūranā //

pyāsehū̃ na pāvai bāri, bhūkheṃ na canaka cāri,

cāhata ahārana pahāra, dāri ghūra nā /

sokako agāra, dukhabhāra bharo taulauṃ jana

jaulauṃ debī dravai na bhavānī annaparanā //

śaṃkara-stavana

bhasma aṃga, mardana anaṃga, saṃtata asaṃga hara /

sīsa gaṃga, girijā ardhaṃga, bhūṣana bhujaṃgabara //

muṃḍamāla, bidhu bāla bhāla,ḍamaru kapālu kara /

bibudhabr̥ṃda-navakumuda-caṃda, sukhakaṃda sūladhara //

tripurāri trilocana, digbasana, biṣabhojana, bhavabhayaharana /

kaha tulasidāsu sevata sulabha siva siva siva saṃkara sarana //

138

garala-asana digabasana byasana bhaṃjana janaraṃjana /

kuṃda-iṃdu-karpara-gaura saccidānaṃdaghana //

bikaṭabeṣa, ura seṣa, sīsa surasarita sahaja suci /

siva akāma abhirāmadhāma nita rāmanāma ruci //

kaṃdarpadarpa durgama damana umāramana gunabhavana hara /

tripurāri! trilocana! trigunapara! tripuramathana! jaya tridasabara //

aradha aṃga aṃganā, nāmu jogīsu, jogapati /

biṣama asana digabasana, nāma bisbesu bīsvagati //

kara kapāla, sira māla byāla, biṣa-bhūti-bibhūṣana /

nāma sudhda, abirudhda, amara anavadya, adūṣana //

bikarāla-bhūta-betāla-priya bhīma nāma, bhavabhayadamana /

saba `bidhi samartha, mahimā akatha, tulasidāsa-saṃsaya-samana //

139

bhūtanātha bhayaharana bhīma bhayabhavana bhūmidhara /

bhānumaṃta bhagavaṃta bhūtibhūṣana bhujaṃgabara //

bhavya bhāvaballabha bhavesa bhava-bhāra-bibhaṃjana

bhūribhoga bhairava kujogagaṃjana janaraṃjana //

bhāratī-badana biṣa-adana siva sasi-pataṃga-pāvaka-nayana /

kaha tulasidāsa kina bhajasi mana bhadrasadana mardanamaya //

nāgo phirai kahai māgano dekhi 'na khā̃go kachū', jani māgiye thoro /

rā̃kani nākapa rījhi karai tulasī jaga jo juraiṃ jācaka joro //

nāka saṃvārata āyo hauṃ nākahi, nāhiṃ pinākihi neku nihoro /

brahmā kahai, girijā! sikhavo pati rāvaro, dāni hai bāvaro bhoro //

biṣu pāvaku byāla karāla gareṃ, saranāgata tau tihũ tāpa na ḍāḷhe //

bhūta betāla sakhā, bhava nāmu dalai palameṃ bhavake bhaya gāḷhe //

140

tulasīsu daridru-siromani, so sumireṃ dukha-dārida hohiṃ na ṭhāḷhe /

bhaunameṃ bhā̃ga,dhaturoī ā̃gana, nāgeke āgeṃ haiṃ māgane bāḷhe //

sīsa basai baradā, baradāni, caḍhyobaradā, dharanyo baradā hai /

dhāma dhatūro, bibhūtiko kūro,nivāsu jahā̃ saba lai mare dāhaiṃ //

byālī kapālī hai khyālī, cahū̃ disi bhā̃gakī ṭāṭinhake paradā haiṃ /

rā̃kasiromani kākinibhāga bilokata lokapa ko karadā hai //

dāni jo cāri padārathako, tripurāri, tihū̃ purameṃ sira ṭīko /

bhoro bhalo, bhale bhāyako bhūkho, bhaloī kiyo sumireṃ tulasīko //

tā binu āsako dāsa bhayo,kabahū̃ na miṭyo laghu lālacu jīko /

sādho kahā kari sādhana taiṃ, jo pai rādho nahīṃ pati pārabatīko //

141

jāta jare saba loka biloki tilocana so biṣu loki liyo hai /

pāna kiyo biṣu, bhūṣana bho, karunābarunālaya sāĩ-hiyo hai /

meroi phoribe jogu kapāru, kidhauṃ kachu kāhū̃ lakhāi diyo hai

kāhe na kāna karauṃ binatī tulasī kalikāla behāla kiyo hai //

khāyo kālakūṭu bhayo ajara amara tanu,

bhavanu masānu, gatha gāṭharī garadakī /

ḍamaru kapālu kara,bhūṣana karāla byāla,

bāvare baḷekī rījha bāhana baradakī //

tulasī bisāla gore gāta bilasati bhūti,

māno himagiri cāru cā̃danī saradakī /

artha-dharma-kāma-moccha basata bilokanimeṃ,

kāsī karāmāti jogī jāgati maradakī //

piṃgala jaṭākalāpu māthepai punīta āpu,

pāvaka nainā pratāpa bhrūpara barata hai /

142

loyana bisāla lāla, sohai bālacaṃdra bhāla,

khaṃṭha kālakūṭu, byāla-bhūṣana dharata hai //

suṃdara digaṃbara, bibhūti gāta, bhā̃ga khāta,

rūre sr̥ṃgī pureṃ kāla-kaṃṭaka harata haiṃ /

deta na aghāta rījhi, jāta pāta ākahīkeṃ

bhorānātha jogī jaba auḍhara ḍharata haiṃ //

deta saṃpadāsameta śrīniketa jācakani,

bhavana bibhūti-bhā̃ga, br̥ṣabha bahanu hai /

nāma bāmadeva dāhino sadā asaṃga raṃga

ardhda aṃga aṃganā, anaṃgako mahanu hai //

tulasī mahesako prabhāva bhāvahīṃ sugama

nigama-agamahūko jānibo gahanu hai /

bheṣa tau bhikhārako bhayaṃkararūpa saṃkara

dayāla dīnabaṃdhu dāni dāridadahanu hai //

143

cāhai na anaṃga- ari ekau aṃga māganeko

deboī pai jāniye,subhāvasidhda bāni so /

bāri buṃda cāri tripurāri para ḍāriye tau

deta phala cāri, leta sevā sā̃cī māni so //

tulasī bharoso na bhavesa bhorānāthako tau

koṭika kalesa karau, marau chāra chāni so /

dārida damana dūkha-doṣa dāha dāvānala

dunī na dayāla dūjo dāni sūlapāni-so //

kāheko aneka deva sevata jāgai masāna

khovata apāna, saṭha hota haṭhi preta re /

kāheko upāya koṭi karata,marata dhāya,

jācata naresa desa- desake,aceta re

tulasī pratīti binu tyāgai taiṃ prayāga tanu,

dhanahīke heta dāna deta kurukheta re /

pāta dvai dhatūreke dai, bhoreṃ kai, bhavesasoṃ,

suresahūkī saṃpadā subhāyasoṃ na leta re //

144

syaṃdana,gayaṃda, bājirāji,bhale bhale bhaṭa,

dhana-dhāma-nikara karanihū̃ na pūjai kvai /

banitā binīta, pūta phāvana sohāvana,au

binaya bibeka, bidyā subhaga sarīra jvai //

ihā̃ aiso sukha,paraloka sivaloka oka,

jāko phala tulasī so sunau sāvadhāna hvai /

jāneṃ, binu jāneṃ, kai risāneṃ, keli kabahũka

sivahi caḷhāe hvaihaiṃ belake patauvā dvai //

rati-sī ravani, siṃdhumekhalā avani pati

aunipa aneka ṭhāḷhe hātha jori hāri kai /

saṃpadā-samāja dekhi lāja surarājahūkeṃ

sukha saba bidhi bidhi dīnhaiṃ, savā̃ri kai //

ihā̃ aiso sukha, suraloka suranāthapada,

jāko phala tulasī so kahaigo bicāri kai /

ākake patauā cāri phūla kai dhatūreke dvai

dīnheṃ hvaihaiṃ bāraka purāripara ḍārikai //

145

devasari sevauṃ bāmadeva gāũ rāvarehīṃ

nāma rāmahīke māgi udara bharata hauṃ /

dībe joga tulasī na leta kāhūko kachuka,

likhī na bhalāī bhāla, poca na karata hauṃ //

ete para hū̃ jo koū rāvaro hvai jora karai,

tāko jora, deva! dīna dvāreṃ gudarata hauṃ /

pāi kai urāhano urāhano na dījo mohi ,

kālakalā kāsīnātha kaheṃ nibarata hauṃ

cero rāmarāiko, sujasa suni tero, hara!

pāi tara āi rahyauṃ surasaritīra hauṃ /

146

bāmadeva! rāmako subhāva-sīla jāniyata

nāto neha jāniyata raghubīra bhīra hauṃ //

adhibhūta bedana biṣama hota,bhūtanātha

tulasī bikala, pāhi!pacata kupīra hauṃ /

māriye tau anāyāsa kāsībāsa khāsa phala,

jyāiye tau kr̥pā kari nirujasarīra hauṃ //

jībekī na lālasā, dayāla mahādeva! mohi,

māluma hai tohi, maribeīko rahatu hauṃ /

kāmaripu ! rāmake gulāmaniko kāmataru!

avalaṃba jagadaṃba sahita cahatu hauṃ //

roga bhayo bhūta-so, kusūta bhayo tulasīko,

bhūtanātha, pāhi! padapaṃkaja gahatu hauṃ /

jyāiye tau jānakīramana-jana jāni jiyã

māriye tau māgī mīcū sūdhiyai kahatu hauṃ //

147

bhūtabhava! bhavata pisāca -bhūta- preta -priya,

āpano samāja siva āpu nīkeṃ jāniye /

nānā beṣa, bāhana, bibhūṣana,basana, bāsa,

khāna -pāna,bali-pūjā bidhiko bakhāniye //

rāmake gulāmanikī rīti, prīti sūdhī saba,

sabasoṃ saneha, sabahīko sanamāniye /

tulasīkī sudharai sudhāre bhūtanāthahīke

mere māya bāpa guru saṃkara-bhavāniye //

kāśīmeṃ mahāmārī

gaurīnātha, bhorānātha, bhavata bhavānīnātha /

bisvanāthapura phirī āna kalikālakī /

saṃkara-se nara, girijā-sī nārīṃ kāsībāsī,

beda kahī, sahī sasisekhara kr̥pālakī //

chamukha-ganesa teṃ mahesake piyāre loga

bikala bilokiyata, nagarī bihālakī /

148

purī-surabeli keli kāṭata kirāta kali

niṭhura nihāriye ughāri ḍīṭhi bhālakī //

ṭhākura mahesa ṭhakurāini umā-sī jahā̃,

loka-bedahū̃ bidita mahimā ṭhaharakī /

bhaṭa rudragana, pūta ganapati-senāpati,

kalikālakī kucāla kāhū tau na harakī //

bīsīṃ bisvanāthakī biṣāda baḷo bārānasīṃ,

būjhie na aisī gati saṃkara-saharakī /

kaise kahai tulasī br̥ṣāsurake baradāni

bāni jāni sudhā taji pīvani jaharakī //

2

loka-bedahū̃ bidita bārānasīkī baḷāī

bāsī nara nāri īsa-aṃbikā-sarūpa haiṃ /

149

kālanātha kotavāla daṃḍakāri daṃḍapāni,

sabhāsada ganapa-se amita anūpa haiṃ //

tahāū̃ kucāli kalikālakī kurīti, kaidhauṃ

jānata na mūḷha ihā̃ bhūtanātha bhūpa haiṃ /

phaleṃ phūlaiṃ phailaiṃ khalala, sīdai sādhu pala-pala

khātī dīpamālikā, ṭhaṭhāiyata sūpa haiṃ //

paṃcakosa punyakosa svāratha-paramārathako

jāni āpu āpane supāsa bāsa diyo hai /

nīca nara-nāri na sãbhāri sake ādara,

lahata phala kādara bicāri jo na kiyo hai //

bārī bārānasī binu kahe cakrapāni cakra,

māni hitahāni so murāri mana bhiyo hai /

rosameṃ bharoso eka āsutosa kahi jāta

bikala biloki loka kālakūṭa piyo hai //

150

racata biraṃci, hari pālata, harata hara

tere hīṃ prasāda aga- jaga-pālike /

tohimeṃ bikāsa bisva ,tohimeṃ bilāsa saba,

tohimeṃ samāta, mātu bhūmidharabālike //

dīje avalaṃba jagadaṃba ! na bilaṃba kījai,

karunātaraṃgaginī kr̥pā-taraṃga-mālike /

roṣa mahāmārī, paritoṣa mahatārī dunī

dekhiye dukhārī, muni-mānasa-marālike //

nipaṭa basere agha auguna ghanere,nara-

nāriū anere jagadaṃba! cerī-cere haiṃ /

dārida-dukhārī debi bhūsura bhikhārī-bhīru

loba moha kāma koha kalimala ghere haiṃ //

lokarīti rākhī rāma, sākhi bāmadeva jāni

janakī binati māni mātu ! kahi mere haiṃ /

mahāmārī mahesāni! mahimākī khāni, moda-

maṃgalakī rāsi, dāsa kāsībāsī tere haiṃ //

151

loganikeṃ pāpa kaidhauṃ, sidhda-sura-sāpa kaidhauṃ,

kālakeṃ pratāpa kāsī tihū̃ tāpa taī hai /

ū̃ce,nīce,bīcake,dhanika,raṃka, rājā,rāya

haṭhani bajāi kari ḍīṭhi pīṭhi daī hai //

devatā nihore, mahāmārinha soṃ kara jore,

bhorānātha jāni bhore āpanī-sī ṭhaī hai /

karunānidhāna hanumāna bīra balavāna !

jasarāsi jahā̃-tahā̃ taiṃhīṃ lūṭi laī hai //

saṃkara-sahara sara, naranāri bāricara

bikala, sakala, mahāmārī mājā bhaī hai /

ucharata utarāta haharāta mari jāta,

bhabhari bhagāta jala-thala mīcumaī hai //

deva na dayāla, mahipāla na kr̥pālacita,

bārānasīṃ bāḍhati anīti nita naī hai /

152

pāhi raghurāja ! pāhi kapirāja rāmadūta !

rāmahūkī bigarī tuhīṃ sudhāri laī hai //

eka tai karāla kalikāla sūla-mūla, tāmeṃ

koḷhameṃkī khāju-sī sanīcarī hai mīnakī /

beda -dharma dūri gae,bhūmi cora bhūpa bhae,

sādhu sīdyamāna jāni rīti pāpa pīnakī //

dūbareko dūsaro na dvāra, rāma dayādhāma!

rāvarīai gati bala-bibhava bihīna kī /

lāgaigī pai lāja vā birājamāna birudahi,

mahārāja ! āju jauṃ na deta dādi dīnakī //

vividha

rāmanāma mātu-pitu, svāmi samaratha, hitu,

āsa rāmanāmakī, bharoso rāmanāmako /

153

prema rāmanāmahīsoṃ, nema rāmanāmahīko,

jānauṃ nāma marama pada dāhino na bāmako //

svāratha sakala paramārathako rāmanāma,

rāmanāma hīna tulasī na kāhū kāmako /

rāmakī sapatha, sarabasa mereṃ rāmanāma,

kāmadhenu-kāmataru mose chīna chāmako //

māraga māri,mahīsura māri, kumāraga koṭikakai dhana līyo /

saṃkarakopasoṃ pāpako dāma paricchita jāhigo jāri kai hīyo //

kāsīmeṃ kaṃṭaka jete bhaye te ge pāi aghāi kai āpano kīyo /

āju ki kāli paroṃ ki naroṃ jaḍa jāhiṃge cāṭi divārīko dīyo //

kuṃkuma -raṃga suaṃga jito, mukhacaṃdaso caṃdasoṃ hoḷa parī hai /

bolata bola samr̥dhdi cuvai, avalokata soca-biṣāda harī hai //

gaurī ki gaṃga bihaṃginibeṣa, ki maṃjula mūrati modabharī hai /

pekhi saprema payāna samai saba soca-bimocana chemakarī hai //

154

maṃgalakī rāsi, paramārathakī khāni jāni

biraci banāī bidhi, kesava basāī hai /

pralayahū̃ kāla rākhī sūlapāni sūlapara,

mīcubasa nīca soū cāhata khasāī hai //

chāḍi chitipāla jo parīchita bhae kr̥pāla,

bhalo kiyo khalako, nikāī so nasāī hai /

pāhi hanumāna! karunānidhāna rāma pāhi!

kāsī-kāmadhenu kali kuhata kasāī hai //

biracī biraṃcakī, basati bīsvanātakī jo,

prānahū teṃ pyārī purī kesava kr̥pālakī /

jotirūpa liṃgamaī aganita liṃgamayī

moccha bitarani, bidarani jagajālakī //

debī-deva-devasari-sidhda-munibara-bāsa

lopati-bilokata kulipi bhoṃḍe bhālakī /

hā hā kare tulasī, dayānidhāna rāma ! aisī

kāsīkī kadarthanā karāla kalikālakī //

155

āśrama-barana kali bibasa bikala bhae

nija-nija marajāda moṭarī-sī ḍāra dī /

saṃkara saroṣa mahāmārihīteṃ jāniyata,

sāhiba saroṣa dunī-dina-dina dāradī //

nāri-nara ārata pukārata, sunai na koū,

kāhū̃ devatani mili moṭī mūṭhi māri dī /

tulasī sabhītapāla sumireṃ kr̥pālarāma

samaya sukarunā sarāhi sanakāra dī //

(iti uttarakāṇḍa)