Mṛtyuvañcanatārāsādhana

// namaḥ sitatārāyai //

pūrvavac chūnyatāparyantaṃ vibhāvya
sitāravindamadhyasthāṃ tāṃbhūtāṃ candraviṣṭarām /
ābaddhavajraparyaṅkāṃ varadotpaladhāriṇīm // Mvts_1 //

śaraccandrakarākārāṃ pṛṣṭhacandrasamāśritām /

sarvālaṅkārasaṃpūrṇāṃ ṣoḍaśābdavapuḥkramām // Mvts_2 //

dhyātvāryatārāṃ hṛdaye tasyāś cakraṃ sitadyuti /

aṣṭakoṣṭhakam aṣṭābhir akṣaraiḥ paripūritam // Mvts_3 //

oṃhāvyañjanamadhyasthasādhyanāmādyanābhikam /

dhyāyād ekāgracittaḥ san ṣaṇ māsān dṛḍhaniścayaḥ // Mvts_4 //

japed akhinnacittaḥ san mantram enaṃ daśākṣaram //

tatrāiṣa mantraḥ oṃ tāre tuttāre ture svāhā // Mvts_5 //

mṛtyudoṣair na liptaḥ syāt tārāhṛccakrabhāvakaḥ /

lābhī ca sarvasiddhīnāṃ ṣaṇmāsāvadhi tatparaḥ // Mvts_6 //

// mṛtyuvañcanatārāsādhanam //

Distributed under a Creative Commons Attribution-NonCommercial-ShareAlike 4.0 International License.

Citation Suggestion for this Object: TextGrid Repository (2025). Darśana Collection. Mṛtyuvañcanatārāsādhana. Mṛtyuvañcanatārāsādhana. GRETIL. GRETIL project. https://hdl.handle.net/21.11113/0000-0016-CDA3-9