1.
Da köm en Vagel fedderlos
Un sett sik op'n Boom blattlos.
Da köm de Jungfru mundelos
Un freet den Vagel fedderlos
Van dem Boom blattlos.
Schnee.
651. Einige Rätsel.
2.
Keem Menneke van Aken
Mit en witt Laken,
He meente, he kunde de ganze Welt bedecken,
He kunn doch nich œwer de Elwe recken.
Schnee.
3.
Achter mien Vaders Kamer
Dar hangt en blanken Hamer;
Wer damit timmern kann,
Dat is en künstlichen Mann.
Eiszapfen.
4.
Dar stünn en ool Mann op een Been,
Harr hundertdusent Swien bi sik.
Se weren all pickenswart,
Se säen all snirk, snark.
Schlehdorn.
[507] 5.
Ich ging mal über drei Elfen, (?)
Soll mir Gott helfen:
Ich fand da ein klein Meisterstück,
Wie mein kleiner Finger dick.
Ich machte mir zwei Seiten Speck,
Einen Backtrog,
Einen Schweinstrog,
Ein Milchfaß.
Rat mal, was ist das?
Eichel.
6.
Höger as en Huus,
Lütter as en Muus,
Gröner as Gras,
Witter as Flaß,
Bitter as en Gall,
Un doch mœgen de Herren dat all.
Walnuß.
7.
Hier en Kutsch un dar en Kutsch.
In de Kutsch da weer en Duuf
Hier en Duuf un dar en Duuf.
Von de Duuf dar flög en Fedder,
Hier en Fedder, dar en Fedder.
Ut de Fedder word en Bett,
Hier en Bett un dar en Bett.
In dat Bett dar slöp en Knecht,
Hier en Knecht un dar en Knecht.
Vor dat Bett da stünn en Weeg,
Hier en Weeg un dar en Weeg.
In de Weeg da slöp en Kind,
Hier en Kind un dar en Kind.
Nu rade, wat is dat?
Eine große Bohne.
Fußnoten
1 Dies Rätsel, im Anfang und Schluß wenig verändert, wird auch als Lied beim Ringeltanz gebraucht.
8.
Dar seet en Jumfer up den Boom,
Harr en roden Rock an,
Harr en Steen achterin,
Rade mal, wat dat mag sien?
Apfel oder Kirsche.
9.
Kummt en Tunn von Engelland,
Sunder Born un sunder Band,
Is tweerlei Beer in.
Ei.
10.
To Wittenbarg im Dome
Da is en gęle Blome,
Un wer de gęle Blom will ęten,
De mutt ganz Wittenbarg tobręken.
Ei.
11.
Ich weiß ein kleines weißes Haus,
Hat keine Fenster und auch keine Tore.
Und will ein kleiner Wirt heraus,
So muß er erst die Wand durchbohren.
Ei mit einem Küchlein.
12.
Dar keem en Mann ut Egypten;
Sien Rock weer ut dusent Stücken,
Harr en knœkern Angesicht,
Harr en Kamm un kämmt sik nicht.
Hahn.
13.
En Vagel in de Luft geswęwt,
Desgliken nich up Eerden lęwt.
He is so hitzig gewossen,
Un wenn he hungrig ward,
Fritt he nęgen un nęgentig Ossen.
Wetterhahn (Blitz?).
14.
Da flüggt en Vagel stark
Twischen hier un Dännemark.
Wat hett he in sien Kropp?
Twölf Last Hopp.
Wat hett he op sien Kron?
Twölf Jumfern de sünd schon.
Dabi en Fatt mit Wien,
Mutt dat nich en braven Vagel sien?
Schiff.
15.
Dar leep en lütjen Mann in roden Rock,
He sä: »Moder waart juw Höner doch!
Vœr juwe Hund bün ik gar nich bangen.«
Wurm.
16.
En holten Huus, en isern Dœr,
Fief darin und fief davœr.
Häcksellade.
[508] 17.
Grise, grise, grau
Steit all Nacht in Dau,
Hett keen Fleesch un Blood,
Deit likes alle Minschen good.
Mühle.
18.
Tweebeen seet op Dreebeen,
Do neem Veerbeen Tweebeen Eenbeen.
Do neem Tweebeen Dreebeen un smeet Veerbeen,
Dat Veerbeen Eenbeen fallen leet.
Mensch, Hüker (dreibeiniger Stuhl ohne Lehne), Hund, Knochen.
19.
Dar leep en lütj Hündjen wul œwert Feld,
He harr sien Steert so kruus opkrellt.
Ik do di't Woort wul in den Mund,
Schast doch nich raden: Wo heet de lütje Hund?
Wo.
20.
Da was mal en Hund,
Un de was bunt.
Den Hündgen sien Naam was mi ne vergęten.
Heff dreemal seggt,
Schast likes ne węten:
Wat förn Naam harr de Hund?
Was.
21.
De Küster un sien Süster,
De Preester un sien Fro
De gingen dörch de Heier
Un fünnen en Vagelnest mit veer Eier.
Un jeder neem een ut,
Bleef doch noch een in.
Die Schwester des Küsters war nämlich die Frau des Predigers.
22.
Keem en Deert ut Noorden,
Harr veer Oren,
Harr söß Föt,
Harr en langen Steert.
Rade, rade wat is dat?
Ein Reiter.
23.
Veer Löpers,
Veer Stöters,
En Smicksmack,
En Brotsack,
Raad mal, wat is dat?
Wagen mit Fuhrmann und Pferden.
24.
Achtern Awen staan en paar Klawen.
Op de Klawen da steit en Tonn,
Op de Tonn dar steit en Trechter,
Oewer den Trechter da is en Licker,
Oewer den Licker da is en Rüker,
Oewer den Rüker da sint twee Kiker,
Oewer de Kikers dar steit wat Gras,
Dar lopen fette Ossen op un af.
Jung und Alt.
- License
-
Der annotierte Datenbestand der Digitalen Bibliothek inklusive
Metadaten sowie davon einzeln zugängliche Teile sind eine Abwandlung
des Datenbestandes von www.editura.de durch TextGrid und werden
unter der Lizenz Creative Commons Namensnennung 3.0 Deutschland
Lizenz (by-Nennung TextGrid) veröffentlicht. Die Lizenz bezieht sich
nicht auf die der Annotation zu Grunde liegenden allgemeinfreien
Texte (Siehe auch Punkt 2 der Lizenzbestimmungen).
Link to license
- Citation Suggestion for this Edition
- TextGrid Repository (2012). Müllenhoff, Karl. 651. Einige Rätsel. TextGrid Digitale Bibliothek. https://hdl.handle.net/11858/00-1734-0000-0004-4A16-F