Mit schweigen verredt mann sich nit.
Silentij tutum præmium.

Schweigen hat einn gwissen lohn. Mann hat sich che verredt dann verthon. Mit schweigen verantwort mann vil. Kein antwort ist auch ein antwort. Schweigen ist für vil vnglück gůt. Es ist kein kleydt das [319] einer frawen baß anstehet / dann schweigen. Fromm vnd still / Red wenig / hör vil. Mann sol gar wenig mit andern / vnn vil mit jm selbs reden. Was schendtlich ist zuthůn /das ist auch nicht schön zusagen. Verschweige deinen rath / Wann er nicht gat / So wirst du zů spot. Es ist eim nöter seinn mund zubewaren / dann sein kisten. Lerne schweigen / so kanst am besten reden. Könde der narr schweigen / so were er weise. Schweig / oder rede etwas das besser ist dann schweigen. Ein klaffend weib heyßt selten fromm / Ein still weib liebt mann vmb vnd vmb. Was dich nit brennt / das blase nit.