Voll macht doll.
Satietas ferociam parit.

Gvte tag kan niemand tragen. Feyßt land faulleut. Volland / dolland. Voller bauch studiert nit gern. Vngezempt pferdt gieng nie wol. Der narrn glück jr höchst vnglück. Es ist ein grosser kāpff mit dē glück kempfen.

Der reich ist entweder nit fromm / oder eins solchen erb.

[303] Es ist ein groß glück / von dem glück nicht überwunden werden. Wer dem glück kan vorstehen / der kan vil mehr dem vnglück vorstehen. Ein roß on einn zaum / vnd ein junger on ein růth / theten nie kein gůt. Gůt macht můt. Es müssen starcke beyn sein / die gůte tag tragen. Dem glück ist niemand starck genůg. Wenn der geyß wol ist / so scharrt sie. Was sol dem narren gelt / so ers nicht brauchen kan. Die narren bringt jr eygen glück vmb. Prouer. j.